নতুন দিল্লী, ১৩ আগষ্ট (হি.স.)। পেঞ্চন আৰু পেঞ্চনাৰ কল্যাণ বিভাগে এতিয়া সমগ্ৰ দেশতে চতুৰ্থটো দেশজোৰা ডিজিটেল লাইফ চাৰ্টিফিকেট অভিযানৰ আয়োজন কৰিব। ১ নৱেম্বৰৰ পৰা ৩০ নৱেম্বৰলৈ ১৮৫০ খনতকৈও অধিক জিলা, চহৰ আৰু নগৰ (২৫০০ শিবিৰ স্থান)ত অনুষ্ঠিত হ’ব এই অভিযান। যোৱা বৰ্ষৰ নৱেম্বৰ মাহত ৮৪৫খন চহৰত ডি এল চি কেম্পেইন ৩.০ত ১.৬২ কোটি ডি এল চি সংগ্ৰহ কৰিছিল ডি অ’ পি পি ডব্লিউৱে।
বুধবাৰে পেঞ্চন আৰু পেঞ্চনাৰ কল্যাণ বিভাগৰ সচিব ভি শ্ৰীনিবাসে আগন্তুক অভিযানৰ প্ৰস্তুতিৰ পৰ্যালোচনা কৰে। ইয়াৰ বাবে বিভাগটোৱে ৩০ জুলাই, ২০২৫ তাৰিখৰ কাৰ্যালয়ৰ স্মাৰকপত্ৰৰ জৰিয়তে বিস্তৃত নিৰ্দেশনাসমূহ অৱগত কৰিছে। পেঞ্চন আৰু পেঞ্চনাৰ কল্যাণ বিভাগে ১ নৱেম্বৰৰ পৰা ৩০ নৱেম্বৰলৈ দেশজোৰা ডিজিটেল লাইফ চাৰ্টিফিকেট (ডিএলচি) অভিযানৰ চতুৰ্থ সংস্কৰণ আৰম্ভ কৰিব। পেঞ্চন বিতৰণ বেংক, ইণ্ডিয়া ডাক পেমেণ্টছ বেংক, পেঞ্চনাৰ কল্যাণ সংস্থা, চিজিডিএ, দূৰসংযোগ বিভাগ, ৰেলৱে, ডিঅ’পি, ইপিএফঅ’, ইউআইডিএআই আৰু ইলেক্ট্ৰনিকছ আৰু তথ্য প্ৰযুক্তি মন্ত্ৰালয়ৰ লক্ষ্যৰে দেশৰ দূৰৱৰ্তী চুকত থকা সকলো পেঞ্চনাৰৰ কাষ চাপিব লাগে।
মন্ত্ৰালয়ৰ তথ্য অনুসৰি ইণ্ডিয়া ডাক পেমেণ্টছ বেংকে ১.৮ লাখ ডাক কৰ্মচাৰী আৰু গ্ৰামীন ডাক সেৱকৰ বিশাল নেটৱৰ্কৰ জৰিয়তে ১৬০০ জিলা/মহকুমা ডাকঘৰত শিবিৰৰ আয়োজন কৰিব। আইপিপিবিয়ে ঘৰে ঘৰে ডিএলচি সেৱাও প্ৰদান কৰে। ১৯টা পেঞ্চন প্ৰদানকাৰী বেংকেও ৩১৫খন চহৰৰ ৯০০ৰো অধিক স্থানত শিবিৰৰ আয়োজন কৰিব। ৫৭টা পেঞ্চন কল্যাণ সংস্থাই পেঞ্চনাৰসকলক শিবিৰলৈ যোৱাৰ সুবিধা প্ৰদান কৰাত গুৰুত্বপূৰ্ণ ভূমিকা পালন কৰিব। টেলিকমিউনিকেচন বিভাগ, ৰে’ল মন্ত্ৰালয়, ডাক বিভাগ, প্ৰতিৰক্ষা মন্ত্ৰালয় (চিজিডিএ) আৰু ইপিএফঅ’ আদি সংশ্লিষ্ট মন্ত্ৰালয়/বিভাগেও সমগ্ৰ দেশৰ চিনাক্তকৃত স্থানত শিবিৰৰ আয়োজন কৰিব।
হিন্দুস্থান সমাচাৰ / মনোজ কুমাৰ শইকীয়া
