কামৰূপ, ০৮ জুলাই (হি.স.)। ভাৰত চৰকাৰৰ দ্বাৰা পৰিচালিত বৃক্ষৰোপন অভিযান বৰ্ষ-২০২৫ৰ অধীনত সশস্ত্ৰ সীমা বল (এছ এছ বি)ৰ ২৪ নং বেটেলিয়নৰ কমাণ্ডেণ্ট এইচ কে গুপ্তাৰ নিৰ্দেশনাত এক বৃহৎবৃক্ষৰোপন অভিযান চলোৱা হয়। আজি এছ এছ বিয়ে দিয়া তথ্য অনুসৰি ৰঙিয়াস্থ সীমান্ত আউটপোষ্ট গুৱাবাৰী ২৪ নং বেটেলিয়ন এছ এছ বি, তামুলপুৰ জিলা উপায়ুক্ত পংকজ চক্ৰৱৰ্তী (এ চি এছ), বন বিভাগ তামুলপুৰ আৰু কুমাৰীকাটা, গ্ল’বেল গ্ৰীণ (এন জি অ’) আৰু উত্তৰ-পূৰ্বাঞ্চল পতঞ্জলিৰ প্ৰভাৰী সাধৱী সুৰুপাৰ সহযোগত সোমবাৰে বৰ নদীৰ পাৰত এখন বৃহৎ বাগিচাৰ আয়োজন কৰে।

এই অভিযানৰ শুভাৰম্ভ কৰে পংকজ চক্ৰৱৰ্তীয়ে, য’ত পৰিদৰ্শক বিনোদ কুমাৰৰ নেতৃত্বত ২৪ নং বেটেলিয়ন এছ এছ বিৰ বাহিনীৰ জোৱানসকল উপস্থিত থাকে। এই উপলক্ষে জিলা উপায়ুক্ত চক্ৰৱৰ্তীয়ে কয় যে ২৪ নং বেটেলিয়ন এছ এছ বি, ৰঙিয়াই নিজৰ সীমান্তৱৰ্তী অঞ্চলত সীমান্ত সুৰক্ষাৰ কৰ্তব্য পালন কৰাৰ সমান্তৰালকৈ ভাৰত চৰকাৰৰ দ্বাৰা পৰিচালিত বিভিন্ন নাগৰিক কল্যাণমূলক আঁচনি আৰু সমাজ সজাগতা অভিযান যেনে বেটি বচাও বেটি পঢ়াও, নছা মুক্তি ভাৰত অভিযান আদিও নিষ্ঠাৰে চলাই আছে, যাৰ বাবে তেওঁ বহুত প্ৰশংসা কৰে। পৰিৱেশ সুৰক্ষাৰ ক্ষেত্ৰত গছৰ গুৰুত্বপূৰ্ণ অৱদান আছে।

হিন্দুস্থান সমাচাৰ / মনোজ কুমাৰ শইকীয়া