কলম্বো, ২৬ জুলাই (হি.স.)। শ্ৰীলংকাৰ নৌসেনাৰ বিশেষ নাও স্কোয়াড্ৰনৰ লেফটেনেণ্ট ক’য়ান চামিথাই আমেৰিকাৰ নৌসেনাৰ চীল (SEAL) প্ৰশিক্ষণ সম্পূৰ্ণ কৰি ইতিহাসৰ সৃষ্টি কৰিছে। বিশ্বৰ এই ১৪ মাহৰ কঠোৰ আৰু প্ৰত্যাহ্বানমূলক সামৰিক প্ৰশিক্ষণ সম্পূৰ্ণ কৰাৰ বাবে লেফটেনেণ্ট ক’য়ান চামিথাক আমেৰিকাই সন্মানিত কৰিছে ছিল ট্ৰাইডেণ্ট পিনেৰে। এই সন্মান লাভ কৰা প্ৰথমজন শ্ৰীলংকাৰ নৌসেনাৰ বিষয়া চামিথা।
এই তথ্য ডেইলী মিৰ’ৰ কাকত আৰু নিউজ পৰ্টেল নিউজ ফাৰ্ষ্টৰ বাতৰিত দিয়া হৈছে। ইয়াৰ মতে এইটো এনেকুৱা এটা প্ৰত্যাহ্বানমূলক সামৰিক প্ৰশিক্ষণ, য’ত ৭৫ জনতকৈ অধিক প্ৰশিক্ষাৰ্থীয়ে মাজভাগত গুচি যায়। চমিতাই শ্ৰীলংকাক সফলতাৰে অৰ্জন কৰি গৌৰৱান্বিত কৰিছে। তেওঁ আমেৰিকাৰ নৌসেনাৰ চীল প্ৰশিক্ষণ কাৰ্যসূচী সম্পূৰ্ণ কৰা আৰু সন্মানীয় ছিল ট্ৰাইডেণ্ট পিন (SEAL Trident Pin) লাভ কৰা প্ৰথমজন শ্ৰীলংকাৰ ব্যক্তি হিচাপে পৰিগণিত হৈছে।
এই ঐতিহাসিক কৃতিত্ব শ্ৰীলংকাৰ অভিজাত শক্তিৰ বাবে এক নতুন অধ্যায়। চমিতাই নিজৰ লগত কেৱল সন্মানেই নহয়, অত্যাধুনিক কৌশলগত জ্ঞান আৰু বিশ্বব্যাপী স্বীকৃতিও লৈ আহিছে। তেওঁৰ এই সফলতাই বিশেষ বাহিনীৰ নতুন প্ৰজন্মৰ জোৱানক অনুপ্ৰাণিত কৰিব। লেফটেনেণ্ট চমিঠাৰ এই সফলতা জাতীয় গৌৰৱৰ মুহূৰ্ত।
উল্লেখযোগ্য যে এছ বি এছ হৈছে শ্ৰীলংকাৰ নৌসেনাৰ বিশেষ বাহিনী। ই গোপন জলপথত প্ৰৱেশ কৰিবলৈ সক্ষম আৰু আনকি শত্ৰুৰ ভূখণ্ডৰ গভীৰতালৈকে বিমান অভিযান চলাব পাৰে। শ্ৰীলংকাৰ সশস্ত্ৰ সংঘাতত (এল টি টি ইৰ বিৰুদ্ধে) এছ বি এছে গুৰুত্বপূৰ্ণ ভূমিকা পালন কৰিছে।
हिन्दुस्थान समाचार / মনোজ কুমাৰ শইকীয়া
