ৱাশ্বিংটন, ১৬ জুলাই (হি.স.)। ট্ৰাম্প প্ৰশাসনে আমেৰিকাত বসবাস কৰা লাখ লাখ অবৈধ অনুপ্ৰৱেশকাৰীক বিতাড়নৰ সিদ্ধান্ত লৈছে। ইমিগ্ৰেচন এণ্ড শুল্ক প্ৰৱৰ্তন সংস্থাই অতি কঠোৰ নীতি ৰূপায়ণ কৰিছে। এই নীতি অনুসৰি নথি-পত্ৰ অবিহনে জীয়াই থকা অনুপ্ৰৱেশকাৰীক জামিনৰ শুনানিৰ বাবে অযোগ্য বুলি গণ্য কৰা হ’ব। সমগ্ৰ গোচৰৰ শুনানিৰ সময়ত তেওঁলোকক কেইবামাহো বা বছৰ ধৰি আটক কৰিব পাৰে।

দ্য ৱাশ্বিংটন পোষ্টৰ বাতৰি অনুসৰি অধিবক্তাসকলৰ মতে এই নীতিৰ উদ্দেশ্য হৈছে বিতাড়নৰ অভিযান ক্ষিপ্ৰ কৰা। আটক কৰা অনুপ্ৰৱেশকাৰীক সুবিধাজনকভাৱে ৰখাৰ বাবে আইচিইয়ে কোটি কোটি টকা লাভ কৰিছে। অধিবক্তাসকলে কয় যে আগতে এনে অনুপ্ৰৱেশকাৰীসকলে সাধাৰণতে অভিবাসন ন্যায়াধীশৰ আগত জামিনৰ বাবে আবেদন কৰাৰ অধিকাৰ আছিল।

এই নীতি আইচিইৰ ভাৰপ্ৰাপ্ত সঞ্চালক টড এম লায়ন্সে ০৮ জুলাইত প্ৰকাশ কৰিছিল।তেওঁ কয় যে গৃহ নিৰাপত্তা বিভাগে আটক আৰু মুক্তিৰ অধিকাৰৰ ওপৰত আইনী স্থিতি পুনৰ বিবেচনা কৰিছে। সিদ্ধান্ত লোৱা হৈছে যে অবৈধভাৱে আমেৰিকাত প্ৰৱেশ কৰা অনুপ্ৰৱেশকাৰীক বিতাড়নৰ কাৰ্য্যবিধিৰ সময়ছোৱাত আটক কৰি ৰখা হ’ব।

ইমিগ্ৰেচন অধিবক্তাসকলে কয় যে এই নীতি দশক দশক ধৰি আমেৰিকাত বাস কৰা লাখ লাখ লোকৰ ক্ষেত্ৰতো প্ৰযোজ্য হ’ব, যাৰ বহুতেই আমেৰিকাৰ নাগৰিক। আইচিইৰ ভাৰপ্ৰাপ্ত সঞ্চালক টড এম লায়ন্সৰ মতে আইচিইয়ে এই পদক্ষেপৰ বাবে আইনী প্ৰত্যাহ্বানৰ সন্মুখীন হ’ব পাৰে।

আইচিইৰ এগৰাকী মুখপাত্ৰই দ্য ইণ্ডিপেণ্ডেণ্ট কাকতক জনোৱা মতে, এই নীতিয়ে আইনখনৰ ভুল ব্যাখ্যাৰ ভিত্তিত আমেৰিকাৰ নিৰাপত্তাৰ বাবে এক জটিল সুৰুঙা বন্ধ কৰি দিয়ে। অহা চাৰি বছৰত আইচিইয়ে প্ৰব্ৰজনকাৰীক আটক কৰিবলৈ ৪৫ বিলিয়ন ডলাৰ লাভ কৰিব। ফেডাৰেল বিষয়াসকলৰ মতে এই ধনেৰে আইচিইয়ে ডিটেনচন চেণ্টাৰত বিচনাৰ সংখ্যা ৮০ হাজাৰৰ পৰা এক লাখলৈ বৃদ্ধি কৰাত সহায় কৰিব।

অধিবক্তাসকলে কয় যে প্ৰব্ৰজনকাৰীক জামিনৰ শুনানিৰ পৰা বঞ্চিত কৰিলে তেওঁলোকৰ গোচৰৰ বিৰুদ্ধে যুঁজ দিয়াটো আৰু অধিক কঠিন হৈ পৰিব। ডালাছ অঞ্চলৰ এজন বিশিষ্ট অধিবক্তা পল হাংকাৰে কয় যে মই ভাবো যে এই নীতিয়ে এতিয়া প্ৰব্ৰজনকাৰীসকলক বিতাড়িত নোহোৱালৈকে অনিৰ্দিষ্টকাললৈ আবদ্ধ কৰি ৰখাৰ অনুমতি দিব।

সহকাৰী সচিব ট্ৰিচিয়া মেকলাফলিনে কয়, ৰাষ্ট্ৰপতি ট্ৰাম্প আৰু সচিব ন'মে এতিয়া এই নিয়ম কাৰ্যকৰী কৰি আছে। এই নীতি আচলতে আমেৰিকাক সুৰক্ষিত ৰাখিবলৈ ৰচনা কৰা হৈছে। অবৈধ অনুপ্ৰৱেশকাৰীৰ সহানুভূতিশীলসকলে যিমান বিচাৰে সিমান কান্দিব পাৰে। প্ৰশাসনে এই অপৰাধী আৰু আইন ভংগকাৰীসকলক আমেৰিকাৰ ৰাজপথত ঘূৰি ফুৰিবলৈ নিদিয়ে।

हिन्दुस्थान समाचार / মনোজ কুমাৰ শইকীয়া