কাৰ্বিআংলং, ১৩ জুলাই (হি.স.)। টুম্প্ৰেং তৰাডুবি লেখিকা সমাৰোহ সমিতিৰ উদ্যোগত আৰু তপস্যা ডাঞ্চ একাডেমিৰ সহযোগত কালি বিয়লিৰে পৰা তিনিদিনীয়া কাৰ্যসূচীৰে বিভিন্ন বিদ্যালয়ৰ ছাত্ৰ—ছাত্ৰী সকলৰ মাজত ৰাভা সংগীত , জ্যোতি সংগীত , ভূপেন্দ্ৰ সংগীত , চিত্ৰাংকন , কবিতা আৰু আধুনিক নৃত্যৰ ওপৰত বিনামূলীয়া গ্ৰীষ্মকালীন প্ৰশিক্ষণ কৰ্মশালা পশ্চিম কাৰ্বি আংলং জিলাৰ অন্তৰ্গত বৃহত্তৰ তৰাডুবি মহিলা সমিতিৰ চিকামাৰিস্হিত ভৱন প্ৰাংগনত শুভাৰম্ভ কৰা হৈছে ৷
কাইলৈ সামৰণি পৰিবলগীয়া বিনামূলীয়া কৰ্মশালাটোত সংগীতত প্ৰশিক্ষক হিচাপে মিনতি সেনাপতি , কবিতা বাঠাৰী ,ঝৰ্ণা বিশ্বাস , জুনুমাই বড়ো আৰু পুতলা মেধিয়ে ৷ নৃত্যত প্ৰশিক্ষক হিচাপে থাকে উৎপলা হোকাইয়ে ৷ চিত্ৰাংকনত প্ৰশিক্ষণক হিচাপে থাকে সংগীতা ৰাভা আৰু উৰ্মিমালা বৰাই ৷ কবিতাত প্ৰশিক্ষক হিচাপে থাকে অলকা বাঠাৰী , ভাগ্যদেৱী বেপী , ছেৰদিহুন বেপী , বৰ্ষা বৰা , পূজামণি শইকীয়া আৰু বিনিতা লস্কৰে ৷
হিন্দুস্থান সমাচাৰ / কিশোৰ মিশ্ৰ