গুৱাহাটী, ৩১ মে’(হি.স.)। ৰেলযাত্ৰীৰ অতিৰিক্ত ভিৰ নিয়ন্ত্ৰণ কৰাৰ অৰ্থে, দুযোৰ গ্ৰীষ্মকালীন বিশেষ ৰে'ল সেৱাৰ চলাচলৰ সময়সীমা সম্প্ৰসাৰণ কৰাৰ সিদ্ধান্ত গ্ৰহণ কৰা হৈছে, অৰ্থাৎ ৰে'ল নং. ০৭৩২৫/০৭৩২৬ (এছএছএছ হুব্বালি জংচন - কাটিহাৰ - এছএছএছ হুব্বালি জংচন) আৰু ৰে'ল নং. ০৬৫৫৯/০৬৫৬০ (এছএমভিটি বেঙ্গালুৰু - নাৰেংঙ্গী - এছএমভিটি বেঙ্গালুৰু) উভয় দিশত যথাক্ৰমে ০৪ টা আৰু ০৫ টাকৈ ট্ৰিপৰ বাবে চলাচল কৰিব। এই ৰে'লসমূহ বিদ্যমান সময়সূচী, গঠন আৰু ষ্টপেজৰ সৈতে চলাচল কৰিব।
ৰে'ল নং ০৭৩২৫ (এছএছএছ হুব্বাল্লি জংচন - কাটিহাৰ) গ্ৰীষ্মকালীন বিশেষ ২৮ মে’, ২০২৫ তাৰিখৰ পৰা ১৮ জুন ২০২৫ তাৰিখ পৰ্যন্ত প্ৰতি বুধবাৰে ১৫:১৫ বজাত প্ৰস্থান কৰি যাত্ৰাৰ তৃতীয় দিনা ১৪:০০ বজাত কাটিহাৰত গৈ উপস্থিত হ'ব। উভতনি যাত্ৰাৰ দিশত, ৰে'ল নং ০৭৩২৬ (কাটিহাৰ - এছএছএছ হুব্বাল্লি জংচন) গ্ৰীষ্মকালীন বিশেষ ৩১ মে' ২০২৫ তাৰিখৰ পৰা ২১ জুন ২০২৫ তাৰিখ পৰ্যন্ত প্ৰতি শনিবাৰে ১৪:৩০ বজাত প্ৰস্থান কৰি যাত্ৰাৰ তৃতীয় দিনা ১০:৫০ বজাত এছএছএছ হুব্বালিত গৈ উপস্থিত হ'ব।
ৰে'ল নং. ০৬৫৫৯ (এছএমভিটি বেঙ্গালুৰু-নাৰেঙ্গী) গ্ৰীষ্মকালীন বিশেষ ২৭ মে’ ২০২৫ তাৰিখৰ পৰা ২৪ জুন ২০২৫ তাৰিখ পৰ্যন্ত প্ৰতি মঙ্গলবাৰে ২৩:৪০ বজাত এছএমভিটি বেঙ্গালুৰুৰ পৰা প্ৰস্থান কৰি যাত্ৰাৰ চাৰিদিন পিছত ০৫:০০ বজাত গন্তব্যস্থান নাৰেঙ্গীত গৈ উপস্থিত হ'ব। উভতনি যাত্ৰাৰ দিশত ৰে'ল নং ০৬৫৬০ (নাৰেঙ্গী – এছএমভিটি বেঙ্গালুৰু) গ্ৰীষ্মকালীন বিশেষ ৩১ মে’ ২০২৫ তাৰিখৰ পৰা ২৮ জুন ২০২৫ তাৰিখ পৰ্যন্ত প্ৰতি শনিবাৰে ০৫:৩০ বজাত নাৰেঙ্গীৰ পৰা প্ৰস্থান কৰি যাত্ৰাৰ তিনিদিন পিছত ০৯:৪৫ বজাত গন্তব্য স্থান এছএমভিটি বেঙ্গালুৰুত গৈ উপস্থিত হ'ব।
উত্তৰ পূৱ সীমান্ত ৰেলৱেৰ মুখ্য জনসম্পৰ্কৰক্ষী বিষয়া কপিঞ্জল কিশোৰ শৰ্মাই আজি এক প্ৰেছ বিবৃতি যোগে এই কথা সদৰী কৰে।
হিন্দুস্থান সমাচাৰ / আলোক চক্ৰৱৰ্তী
