কোকৰাঝাৰ, ২৭ এপ্ৰিল (হি.স.)। ইছলাম ধৰ্মাৱলম্বী লোকৰ পৱিত্ৰ স্থান মক্কালৈ যাত্ৰা কৰাৰ পূৰ্বে ফকিৰাগ্রামৰ জামা মচজিদতত আজি ১৫ গৰাকী হজ যাত্ৰীক বিদায় সম্বৰ্ধনা৷ ধৰ্মীয় সংখ্যালঘু পৰিষদ ( আৰএমচি) সমিতি আজি বৃহত্তৰ ফকিৰাগ্ৰাম অঞ্চলৰ ১৫ গৰাকী হজ যাত্ৰীক আনুষ্ঠানিক ভাবে বিভিন্ন সামগ্ৰীৰে সম্বৰ্ধনা জনায়৷ কোকৰাঝাৰ জিলা আৰ‌এমচিৰ সভাপতি ৰফিকুল ইছলামে পৰিচালনা কৰে সম্বৰ্ধনা অনুষ্ঠানত ধৰ্মীয় সংখ্যালঘু পৰিষদ ( আৰএমচি) কেন্দ্রীয় সমিতিৰ সভাপতি আব্দুল আৱাল মণ্ডল , সাধাৰণ সম্পাদক ছাহজাহান আহমেদ, কোকৰাঝাৰ জিলা আৰ‌এমচিৰ সভাপতি ৰফিকুল ইছলাম, বদিৰুল ইছলাম হক সহ আন বহু গণ্যমান্য ব্যক্তিয়ে উপস্থিত থাকে৷ অনুষ্ঠানত বিশ্বৰ লগতে দেশ, ৰাজ্য তথা বিটিচি এলেকাত বিভিন্ন জাতি-জনগোষ্ঠীৰ মাজত সমন্বয়, ঐক্য, শান্তি-সম্প্ৰীতিৰ বাবে প্ৰাৰ্থনা কৰে৷

হিন্দুস্থান সমাচাৰ / কিশোৰ মিশ্ৰ