গুৱাহাটী, ২৬ এপ্ৰিল (হি.স.)। অসমৰ মুখ্যমন্ত্ৰী ড° হিমন্ত বিশ্ব শৰ্মাই মহান গণিতজ্ঞ শ্ৰীনিবাস ৰামানুজনৰ মৃত্যু বাৰ্ষিকীত শ্ৰদ্ধাঞ্জলি জ্ঞাপন কৰে। তেওঁ ছ’চিয়েল মিডিয়াত এটা পোষ্টত কয় যে ৰামানুজনে গণিতক এক নতুন সংজ্ঞা দিছিল আৰু তেওঁৰ সকলো গৱেষণা আৰু আৱিষ্কাৰ ঈশ্বৰৰ ওচৰত উৎসৰ্গা কৰিছিল।

মুখ্যমন্ত্ৰীয়ে ৰাষ্ট্ৰীয় আৰ্কাইভৰ পৰা লাভ কৰা এখন ঐতিহাসিক পত্ৰও শ্বেয়াৰ কৰে, য’ত ৰামানুজনে বন্দৰ ট্ৰাষ্টৰ মুখ্য একাউণ্টেণ্টৰ ওচৰত কেৰাণী পদৰ বাবে আবেদন জনাইছিল। এই চিঠিখনে তেওঁৰ সংগ্ৰামী জীৱনৰ আভাস দিয়ে আৰু নৱ প্ৰজন্মক অনুপ্ৰাণিত কৰে।

ড০ শৰ্মাই কয়, “ৰামানুজনৰ দৰে প্ৰতিভাশালী ব্যক্তিৰ জীৱনে দেখুৱাইছে যে নিষ্ঠা, বিশ্বাস আৰু কঠোৰ পৰিশ্ৰমৰ জৰিয়তে কোনোবাই অসাধাৰণ উচ্চতাত উপনীত হ’ব পাৰে।”

হিন্দুস্থান সমাচাৰ / মনোজ কুমাৰ শইকীয়া