গুৱাহাটী, ০২ এপ্ৰিল (হি.স.)। মহানগৰীৰ বশিষ্ঠ আৰক্ষীয়ে চুৰিৰ গোচৰত দুজন অভিযুক্তক গ্ৰেপ্তাৰ কৰি তেওঁলোকৰ হাতৰ পৰা চুৰি সামগ্ৰী উদ্ধাৰ কৰে। আটকাধীন লোক দুজন ইনামুল আলী ওৰফে বাবু (২২) আৰু ৰাজীৱ নাথ ওৰফে টিকু (১৯) বুলি জানিব পৰা গৈছে। আৰক্ষীয়ে তেওঁৰ পৰা চুৰি সামগ্ৰী জব্দ কৰিছে।

ইয়াৰ উপৰিও আন এক অভিযানত আৰক্ষীয়ে গণেশপাৰাৰ বাথৌ মন্দিৰৰ সমীপৰ ১৫ নং ঘৰৰ গৰাকী বিদ্যা বড়োৰ ঘৰত অভিযান চলায়। তালাচীৰ সময়ত আৰক্ষীয়ে মুঠ ৯৫.০২৫ লিটাৰ বিভিন্ন ব্ৰেণ্ডৰ বিদেশী সুৰা উদ্ধাৰ কৰে। প্ৰত্যক্ষদৰ্শীৰ উপস্থিতিত আৰক্ষীয়ে এই সুৰা জব্দ কৰি অভিযুক্ত বিদ্যা বড়োক গ্ৰেপ্তাৰ কৰে।

हिन्दुस्थान समाचार / মনোজ কুমাৰ শইকীয়া