ইম্ফল, ০১ এপ্ৰিল (হি.স.)। মণিপুৰ আৰক্ষীয়ে ইম্ফল পূৱ আৰু ইম্ফল পশ্চিম জিলাৰ বিভিন্ন অঞ্চলৰ পৰা নিষিদ্ধ সংগঠন কেচিপি-নয়ন গোটৰ পাঁচজন সক্ৰিয় সদস্যক গ্ৰেপ্তাৰ কৰে। মঙলবাৰে আৰক্ষীয়ে জনোৱা মতে, এই আটাইকেইজন ধন দাবী আৰু ভাবুকিমূলক কামত জড়িত আছিল।
আটকাধীন অভিযুক্ত কেইজন হৈছে খোইছনাম সনাজাওবা সিং (২৭), খুৰাই নিংথৌবুং লেইকাই, পোৰমপাট থানা, ইম্ফল ইষ্ট, খোইনাজম ৰবাৰ্টছন সিং (২৪), চিংমেইৰং মনিং লেইকাই, ইম্ফল পশ্চিম, সৌবাম ৰোহিত সিং (২৩), ছয়বাম লেইকাই, অয়াংপল্লী ৰোড, ইম্ফল ইষ্ট, লাইছাংথেম নাওবি সিং (৩৩), লেংগোল গেম ভিলেজ, জ’ন-II, ইম্ফল পশ্চিম আৰু খাইদাম নংপকংগাম্বা মেইটেই (২৫), লামলাই মায়াই লেইকাই, ইম্ফল ইষ্ট।
ধৃত অভিযুক্তৰ জিম্মাৰ পৰা এটা ৯ এম এম পিষ্টল, তিনিটা সজীৱ কাৰ্টিজ, এটা পিষ্টলৰ হোলষ্টাৰ, তিনিটা মোবাইল ফোন আৰু দুখন দুচকীয়া বাহন উদ্ধাৰ কৰা হৈছে। আৰক্ষীয়ে আটাইকেইজন অভিযুক্তক জিম্মাত লৈ অধিক তদন্ত আৰম্ভ কৰিছে।
হিন্দুস্থান সমাচাৰ / মনোজ কুমাৰ শইকীয়া
