অট’ৱা, ২৪ মাৰ্চ (হি.স.)। কানাডাৰ প্ৰধানমন্ত্ৰী মাৰ্ক কাৰ্নীয়ে ফেডাৰেল নিৰ্বাচন আহ্বান কৰাৰ অভাৱনীয় পদক্ষেপ গ্ৰহণ কৰে। দেওবাৰে তেওঁ গৱৰ্ণৰ জেনেৰেল মেৰী চাইমনক সাক্ষাৎ কৰি সংসদ ভংগ কৰিবলৈ অনুৰোধ জনায়। ছাইমনে কাৰ্নিৰ অনুৰোধ মানি ল’লে। ২৮ এপ্ৰিলত কানাডাত নিৰ্বাচন অনুষ্ঠিত হ’ব। কাৰ্নীয়ে মুখামুখি হ’ব তেওঁৰ মূল প্ৰতিদ্বন্দ্বী কনজাৰ্ভেটিভ পাৰ্টিৰ নেতা পিয়েৰ পইলিভ্ৰে।

নিৰ্বাচনৰ কথা ঘোষণা কৰাৰ সময়ত কাৰ্নীয়ে দেশৰ জনসাধাৰণক কয় যে তেওঁ আমেৰিকাৰ ৰাষ্ট্ৰপতি ড’নাল্ড ট্ৰাম্পৰ সৈতে মোকাবিলা কৰি দেশৰ অৰ্থনীতি শক্তিশালী কৰাৰ বাবে মেণ্ডেট বিচাৰিছে বুলি চিএনএনে প্ৰকাশ কৰিছে। জানুৱাৰী মাহত তেওঁৰ পূৰ্বৰ জাষ্টিন ট্ৰুডোৱে পদত্যাগ ঘোষণা কৰাৰ পিছতে লিবাৰেল নেতা কাৰ্নি প্ৰধানমন্ত্ৰী হৈছিল।

আমেৰিকাৰ সৈতে বাণিজ্য যুদ্ধ আৰু কানাডাৰ সাৰ্বভৌমত্বৰ প্ৰতি ট্ৰাম্পে দিয়া ভাবুকিৰ পিছত লিবাৰেল পাৰ্টিৰ জনপ্ৰিয়তা বৃদ্ধি পোৱাৰ ইংগিত পোৱা গৈছে সমীক্ষাসমূহে। কাৰ্নীয়ে কয় যে ট্ৰাম্পে আমেৰিকাই কানাডাক দখল কৰাটো বিচাৰে। আমি এনেকুৱা হ’বলৈ নিদিওঁ।

হিন্দুস্থান সমাচাৰ / মনোজ কুমাৰ শইকীয়া