নলবাৰী, ২৯ অক্টোবৰ (হি.স.)। পাহাৰৰ পৰা নামি অহা বনৰীয়া হাতীৰ জাকে এতিয়া ভাৰত ভূটান সীমান্তৰ ৰাইজক ত্ৰিহি মধুসূদন দেখাইছে ৷ দিন ৰাতি একাকাৰ কৰি চৌদিশে হাতীৰ জাক ৷ কেতিয়াবা একেলগে কেতিয়াবা পৃথক বিচৰন কৰি আহিছে হাতীৰ জাকে ৷

কেতিয়াবা বগাজুলি বনাঞ্চলত কেতিয়াবা বৰনদী ৰ পাৰত নাগ্ৰীজুলি চাহ বাগানত আশ্ৰয় লৈ সন্ধিয়া হলে জনাঞ্চলত প্ৰৱেশ কৰি এতিয়া এক কথাত সন্ত্ৰাসৰ সৃষ্টি কৰিছে ৷ আনহাতে পাগলাদিয়াৰ বুকুৱেদি কেতিয়াবা নলবাৰীলৈ যাব খোজে যদিহে জৰতালুকত ফেন্সিং দি প্ৰতিৰোধ কৰিছে বনবিভাগে ৷তথাপি নদীৰ বুকুৱেদি পোনাব খোজে নলবাৰী অভিমুখে ৷বনবিভাগ নিৰুপায় হৈ পৰিছে ৷ আওপুৰণি পদ্ধতিৰে হাতী খেদি ভাগৰি পৰিছে বিভাগৰ কৰ্মচাৰী সকল ৷ সম্প্ৰতি পথাৰত ধান থকাত খেতিয়ক সকল চিন্তিত হৈ পৰিছে ৷ তথাপি ৰাইজ বনবিভাগে হাতী খেদাত তৎপৰ যদিও পোৱালি সহ বৃহৎ জাকে এনেদৰে আজি পুৱাইহ শান্তিপুৰ আঙাৰকাটা অঞ্চলত মুক্ত বিচৰন কৰি আছে।

হিন্দুস্থান সমাচাৰ / নিৰ্মলেন্দু