দক্ষিণ শালমাৰা মানকাচৰ, ০৫ জানুৱাৰী (হি.স.): দক্ষিণ শালমাৰা মানকাচৰ জিলাৰ হাটশিঙিমাৰীৰ খোপাতী প্ৰথম খণ্ডত বৃহৎ পৰিমাণৰ নিচাজাতীয় কেপচুল জব্দ কৰাৰ লগতে এজন সৰবৰাহকাৰী আটক কৰা হৈছে । জিলা খনৰ অতিৰিক্ত আৰক্ষী অধীক্ষক প্ৰতাপ দাসৰ নেতৃত্বত সুখচৰ আৰক্ষীৰ সহযোগত গোপন সূত্ৰৰ ভিত্তিত যোৱা কালি শনিবাৰে বিয়লি এই অভিযান চলাইছিল।

অভিযানত আৰক্ষীয়ে ৯২৯ টা ট্ৰেমাডল নিচাজাতীয় কেপচুল , পি নেইট্ৰা কেপচুল, এটা মোবাইল ফোন, ১৭৫০ নগদ ধন, আধাৰ কাৰ্ড, ভোটাৰ কাৰ্ড জব্দ কৰে। আৰক্ষীয়ে আটক কৰা ড্ৰাগছ সৰবৰাহকাৰী জন টাকীমাৰীৰ আখিৰ হোছেইন (৩০) বুলি জানিব পৰা গৈছে।

হিন্দুস্থান সমাচাৰ / কিশোৰ মিশ্ৰ