হোজাই, ০৭ জানুৱাৰী (হি.স.): লামডিঙত বন্দুক, নকল সোণ সহ দুজন লোকক আটক কৰা হৈছে ৷ হৰুলংফাৰ লাষ্ট ক'লনিত হোজাই জিলাৰ এছ আই বি দলে লামডিং থানাৰ ভাৰপ্ৰাপ্ত বিষয়াৰ সহযোগত চলাই অভিযান ৷ আভিযানত ২৩৭ গ্ৰাম নকল সোণৰ টুকুৰা আৰু এটা হাতে সজা বন্দুক(কট্টা) আৰু এটা পুতলা পিষ্টল উদ্ধাৰ কৰে ৷ আটোকাধীন অভিযুক্তদ্বয় ৰামাজি ৰাম আৰু বলাই ৰায় বুলি পৰিচয় পোৱা গৈছে ৷ ৰামাজি ৰামৰ মাতৃৰ ৰেলৱে আৱাসগৃহ ২৩৪ ডি নম্বৰৰ পৰা উদ্ধাৰ কৰে আৰক্ষীয়ে ৷
আৰক্ষীয়ে থানাত সোধা পোছা অব্যাহত ৰখাৰ সময়তে মূল অভিযুক্ত ৰামাজি ৰাম থানাৰ পৰাই পলাই যাবলৈ চেষ্টা চলাইছিল যদিও আৰক্ষীয়ে পুনৰ থানাৰ সমীপৰ পৰা ৰাইজৰ সহযোগত আটক কৰে ৷ কিহৰ বাবে ঘৰত আনি ৰাখিছিল, লগতে নকল সোণ উদ্ধাৰ হোৱাত এতিয়াও সঠিকৈ বিশেষ জানিব পৰা হোৱা নাই ৷ আৰক্ষীয়ে বৰ্তমানো তদন্ত অব্যাহত ৰাখিছে, আৰু তদন্তৰ পিছতহে সকলো তথ্য পোহৰলৈ আহিব ৷
হিন্দুস্থান সমাচাৰ / কিশোৰ মিশ্ৰ