হোজাই, ০৮ জানুৱাৰী (হি.স.): হোজাই আৰক্ষীয়ে মঙলবাৰে সন্ধিয়া নগদ ধন সহ তিনিজনকৈ যুৱকক আটক কৰিছে। আৰক্ষীয়ে নকল সোণৰ ব্য়ৱসায়ৰ গোপন সূত্ৰৰ পম খেদি পুৰণাবজাৰত চলাইছিল অভিযান। অতিৰিক্ত আৰক্ষী অধীক্ষক ৰূপম বৰদলৈৰ নেতৃত্বত চলিছিল এই অভিযান। অভিযান কালত আৰক্ষীয়ে উদ্ধাৰ কৰে নগদ ১৭লাখ ৫৯হেজাৰ টকা। টকাখিনি অবৈধবাবে এটা ঘৰত মজুত কৰি ৰাখিছিল ধৃত তিনিজনে।

ধৃত তিনিজন সোণ সৰবৰাহৰ লগত জড়িত থকাৰ সন্দেহ প্ৰকাশ আৰক্ষীৰ। আটকাধীন ধৃত লোক কেইজনৰ নাম ক্ৰমে হোজাই নতুন বজাৰৰ কিষাণ বৰ্মা, বিহাৰৰৰ গৌতম কুমাৰ শাহ আৰু আনজন বিহাৰৰ ধৰ্মেন্দ্ৰ শাহ । ঘটনা সন্ধৰ্ভত আৰক্ষীয়ে অব্যাহত ৰাখিছে তদন্ত।

হিন্দুস্থান সমাচাৰ / কিশোৰ মিশ্ৰ