ধুবুৰী, ০২ জানুৱাৰী (হি.স.): ধুবুৰী জিলাৰ চাপৰত আজি অনুষ্ঠিত হয় শিকন শিক্ষণ সজুঁলি (টিএলএম) প্ৰদৰ্শনী মেলা। চাপৰ জে বি স্কুল প্ৰাংগনত অনুষ্ঠিত হয় এই মেলা। চাপৰ শালকোচা শিক্ষা খণ্ডৰ অন্তৰ্গত ২০ টা ক্লাষ্টাৰৰ মাজত অনুষ্ঠিত হয় এই মেলা।

উল্লেখ্য যে ছাত্ৰ ছাত্ৰী সকলক শিক্ষাৰ ক্ষেত্ৰত সুবিধা হোৱাকৈ আৰু শিক্ষাৰ বিকাশৰ বাবে অনুষ্ঠিত হৈছে এই মেলা। এই মেলাত স্থান প্ৰাপ্ত সকলে পৰবৰ্তী সময়ত জিলা ভিত্তিত প্ৰদৰ্শন কৰিব বুলি জানিব দিয়ে। লগতে এই শিকন শিক্ষণ সজুঁলি মেলাৰ যোগেদি ছাত্ৰ ছাত্ৰী সকলৰ শিক্ষাৰ মানদণ্ড আৰু উন্নতি হ'ব বুলি আশা প্ৰকাশ কৰিছে শিক্ষকসকলে।

হিন্দুস্থান সমাচাৰ / কিশোৰ মিশ্ৰ