গুৱাহাটী, ০২ জানুৱাৰী (হি.স.)। গুৱাহাটী মহানগৰীৰ পশ্চিম প্ৰান্তৰ ধাৰাপুৰস্থিত অগ্ৰণী সাহিত্য-সংস্কৃতিমূলক অনুষ্ঠান অন্বেষ গোষ্ঠীৰ ৯১ সংখ্যক মাহিলি বৈঠক খন অহা ০৫ জানুৱাৰী দেওবাৰে ৰাতিপুৱা ১০বজাত ধাৰাপুৰ পুৰণি দুৰ্গা মন্দিৰ প্ৰাঙ্গন (ব্ৰহ্মপুত্ৰৰ পাৰ) ত অনুস্থিত হ'ব। এই বৈঠকতে সৃষ্টিৰ অন্বেষ আলোচনী খনৰ জানুৱাৰী- মাৰ্চ, ২৫ সংখ্যক সংখ্যাটি প্ৰকাশ কৰাৰ লগতে এখন গ্ৰন্থও উন্মোচন কৰা হ'ব ।

অন্বেষ গোষ্ঠীৰ সহ সম্পাদক অতুল কলিতাই জানিবলৈ দিয়ামতে, গোষ্ঠীৰ ৯১ সংখ্যক মাহিলি বৈঠকৰ উপৰিও অইন বছৰৰ দৰে এইবেলিও ইংৰাজী নৱবৰ্ষ তথা আগন্তুক ভোগালী বিহুৰ লগত সংগতি ৰাখি এটি প্ৰীতি ভোজৰো আয়োজন কৰা হৈছে। সেয়েহে আপোনালোক সকলোকে উক্ত বৈঠকত উপস্থিত থাকিবলৈ বিনম্ৰ অনুৰোধ জনাইছে। লগতে যদি সন্মানীয় ‌ সদস্য সকলে পৰিয়ালৰ অন্য লোকক আনিব বিচাৰিলে তেন্তে সভাপতি/সম্পাদক /সহ সম্পাদকক অৱগত কৰোৱা তথা অতিৰিক্ত সদস্যৰ বাবে ১০০ টকাৰ বৰঙণি আগবঢ়াবলৈ অনুৰোধ জনাইছে।

হিন্দুস্থান সমাচাৰ / মনোজ কুমাৰ শইকীয়া