দৰং, ০২ জানুৱাৰী (হি.স.): দৰং জিলাৰ দলগাঁও থানাৰ অন্তৰ্গত ঢ়েকেৰী গাঁৱত বুধবাৰে নিশা নিৰঞ্জন দাস নামৰ লোকজনৰ ঘৰত ভিতৰ ভাগত অকস্মাতে অগ্নিকাণ্ড সংঘটিত হয়। জুইত ঘৰৰ ভিতৰত থকা কাঁহি-বাটি, মিস্ত্ৰী কাম কৰা সামগ্ৰীৰ, পিন্ধা কাপোৰ-কানি ,বন্ধন গোটৰ পৰা অনা পঞ্চাশ হাজাৰ নগদ ধন, মাটি -বাৰিৰ নথি পত্ৰ সকলো জ্বলি ভস্মীভূত হয়।

নিৰঞ্জন দাসে জনোৱা মতে প্ৰায় চাৰি লক্ষাধিক টকাৰ সামগ্ৰী জুইত জাহ যায়। মিস্ত্ৰী কাম কৰি পৰিয়াল পোহ-পাল দিয়া নিৰঞ্জন দাসে অগ্নিকাণ্ডৰ ঘটনাত ক্ষতিগ্ৰস্ত হোৱাৰ বাবে চৰকাৰৰ পৰা আৰ্থিক সাহায্য বিচাৰি আবেদন জনাইছে।

হিন্দুস্থান সমাচাৰ / কিশোৰ মিশ্ৰ