হোজাই, ১৪ জানুৱাৰী (হি.স.): ভোগালীৰ উচ্চাহ উদ্দীপনা মাজতে হোজাইত সংঘটিত হৈছে এক লোমহৰ্ষক হত্যা কাণ্ডৰ ঘটনা। হোজাই ৰাইকতা স্থিত ধনিৰাম থাউছেনৰ মালকাধীন টিই ইটাভাতাত এই অঘটন ঘটিছে। সুৰাত মাতাল হোৱা ইটাভাতাৰ শ্ৰমিকে চুৰিৰে আক্ৰমণ কৰি হত্যা কৰে এজন লোকক। প্ৰথমে বাদ বিবাদ তাৰ পিছত চুৰিৰে শৰীৰৰ দুটা স্থানত প্ৰচণ্ড আক্ৰমণ কৰা হৈছে।

উল্লেখযোগ্য সন্ধিয়া হলেই উক্ত ইটাভাতাত চলে সুৰাৰ আড্ডা পৰা আদি কৰি চলে অবাধ জুৱাৰ আড্ডা। কালি সন্ধিয়া ভাগত সুৰাৰ ৰাগীত মাতাল হোৱা উয়েৰিছ নামৰ শ্ৰমিক জনে চুৰিৰে হানি খুচি হত্যা কৰে খলিফ নামৰ উত্তৰ প্ৰদেশৰ শ্ৰমিক জনক । আৰক্ষীয়ে হত্যাকাৰী উয়েৰিছক আটক কৰিছে।

হিন্দুস্থান সমাচাৰ / কিশোৰ মিশ্ৰ