বাক্সা, ১২ জানুৱাৰী (হি.স.)। বাক্সাৰ শালবাৰীৰ সমীপৱৰ্তী শিলাপাটনিত নিশা চুৰিকাণ্ডৰ ঘটনা সংঘটিত হয়। চোৰে লৈ গ'ল বাইকৰ লগতে নগদ ১ লাখ ৪৫ হাজাৰ টকা। ঘৰত কোনো নথকাৰ সুযোগ গ্ৰহণ কৰি চোৰে চলালে চাফাই অভিযান।

শিলাপাটনিৰ শ্বহাদত দেৱান নামৰ এগৰাকী চাইকেল মেকাৰৰ ঘৰত সংঘটিত হয় এই ঘটনা। ঘটনা সন্দৰ্ভত স্থানীয় ধুমাৰপাথাৰ আৰক্ষী চকীত এজাহাৰ দাখিল কৰিছে ভুক্তভোগীয়ে। উল্লেখ্য যে, চুৰি হোৱা বাইক খনৰ নম্বৰ এএছ ১৫ পি ৭২৪০ বুলি জানিব পৰা গৈছে।

---------------

হিন্দুস্থান সমাচাৰ / প্ৰকাশ ডেকা