গোলাঘাট, ০৭ ছেপ্তেম্বৰ (হি.স.)। সৰুপথাৰৰ চুঙাজানত আজি এক চাঞ্চল্যকৰ ঘটনা সংঘটিত হয় ।পিতৃয়ে দাৰে ঘপিয়ালে নিজ কন্যাক। চুঙাজান ২ নং মৰাজান গাঁওত উক্ত ঘটনা সংঘটিত হয় ।

দেউতাক প্ৰদীপ মেচে চোকা অস্ত্ৰৰে দুজনী জীয়ৰী অনন্যা মেচ আৰু প্ৰিয়াংন্সি মেচক ঘপিয়াই পলায়ন।

পিতৃৰ দাৰ আক্ৰমণত গুৰুতৰ ভাবে আঘাতপ্রাপ্ত ২ গৰাকী কন্যা বৰ্তমান চিকিৎসালয়ত চিকিৎসাধীন ।

আঘাতপ্রাপ্ত দুয়োগৰাকী কন্যা এগৰাকী গোলাঘাট জাতীয় মহাবিদ্যালয়ৰ দ্বাদশ শ্রেণীৰ ছাত্রী আৰু আন গৰাকী অঞ্জলি বৰবৰা মেম'ৰিয়েল একাডেমিৰ একাদশ শ্ৰেণীৰ ছাত্ৰী । ঘটনা সংঘটিত কৰা কন্যা দুগৰাকীৰ পাষাণ পিতৃক বৰ্তমানও গ্ৰেপ্তাৰ কৰিব সক্ষম হোৱা নাই আৰক্ষীয়ে ।

হিন্দুস্থান সমাচাৰ / কিশোৰ মিশ্ৰ