পেৰিছ, ২৭ জুলাই (হি.স.)। বৰ্ষাবিঘ্নিত পৰিৱেশৰ মাজতে পোহৰৰ চহৰ পেৰিছত ৩৩ সংখ্যক অলিম্পিয়াডৰ উদ্বোধনী অনুষ্ঠান আলোকময় হৈ পৰে । প্ৰথমবাৰৰ বাবে মূল ষ্টেডিয়ামৰ বাহিৰত অনুষ্ঠিত হোৱা মুকলি অনুষ্ঠানৰ শেষত ফ্ৰান্সৰ ৰাষ্ট্ৰপতি ইমানুৱেল মেক্ৰনে আনুষ্ঠানিকভাৱে মুকলি ঘোষণা কৰে। পেৰিছে শেষবাৰৰ বাবে অলিম্পিক আয়োজন কৰাৰ ঠিক ১০০ বছৰৰ পাছত মেক্ৰনে কয় যে মই পেৰিছত গেমছৰ মুকলি ঘোষণা কৰিছো, আধুনিক যুগৰ ৩৩ সংখ্যক অলিম্পিয়াড উদযাপন কৰিছো।

ইয়াৰ লগে লগে চেইন নদীত এক বৰ্ণিল কাৰ্যসূচীৰে অলিম্পিক আৰম্ভ হয়। লেডী গাগাৰ অভিনয়ে মুকলি অনুষ্ঠানত মনোমোহাা বৃদ্ধি কৰিলে।

চেইন নদীত অনুষ্ঠিত হোৱা নাও পেৰেডত ২০৫খন দেশৰ খেলুৱৈয়ে অংশগ্ৰহণ কৰে। গ্ৰীক দলটোৱে প্ৰথমে আহিছিল আৰু তাৰ পিছত নাও পেৰেডৰ সময়ত আন দেশৰ খেলুৱৈসকলে দৰ্শকক সম্ভাষণ জনাইছিল। প্ৰথমে ল’ৰা-ছোৱালীবোৰে অলিম্পিকৰ শিখা লৈ আহিছিল। ইয়াৰ পিছত নাওঁৰ পেৰেড আৰম্ভ হ’ল।

ফৰাচী খেলুৱৈ মেৰী-জছে পেৰেক আৰু টেডি ৰেনাৰ অন্তিম শিখাবাহক আছিল। কানাডিয়ান গায়ক চেলিন ডিয়নে আইফেল টাৱাৰৰ পৰা এডিথ পিয়াফৰ হাইমেন এ লামুৰৰ এক প্ৰাণৱন্ত প্ৰদৰ্শন দিছিল। মুষলধাৰ বৰষুণৰ সন্মুখীন হৈ প্ৰায় ৩,০০,০০০ লোক নদীৰ পাৰত থিয় হৈ চহৰখনৰ প্ৰতিষ্ঠিত স্থানসমূহ, পাঁচটা ৰিং যুক্ত আইফেল টাৱাৰ, লুভাৰ আৰু আৰ্মাডাক নটৰ-ডেম কেথেড্ৰেলৰ মাজেৰে প্ৰতিযোগী কঢ়িয়াই নিয়াৰ বাবে উল্লাস কৰিছিল।

হিন্দুস্থান সমাচাৰ / অৰৱিন্দ / মনোজ কুমাৰ শইকীয়া