নতুন দিল্লী, ০৭ ছেপ্টেম্বৰ (হি.স.)। পেৰিছ পেৰালিম্পিকত অভিলেখ ভংগ কৰি ঘৰলৈ উভতি অহাৰ সময়ত দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত ভাৰতীয় পেৰালিম্পিক খেলুৱৈসকলক উষ্ম আদৰণি জনোৱা হয়।
শনিবাৰে পুৱা ভাৰতীয় দলৰ আধা অংশ পেৰিছ পেৰালিম্পিকত অংশগ্ৰহণ কৰি ঘৰলৈ উভতি আহিছিল। দিল্লীত উপস্থিত হোৱা সকলৰ ভিতৰত অভনী লেখাৰা, মোনা আগৰৱালা, প্ৰণৱ সুৰমা, ৰাকেশ কুমাৰ আৰু মনীষ নৰৱাল অন্যতম। দিল্লীৰ বাহিৰত বৃহৎ সংখ্যক অনুৰাগীয়ে সমবেত হৈ পেৰা এথলীটসকলক ফুলৰ বৰষুণেৰে আদৰণি জনায়। পেৰা মাল্টি স্প’ৰ্ট ইভেণ্টৰ সামৰণিৰ পিছত ভাৰতীয় দলটোৰ আন খেলুৱৈসকল ঘূৰি আহিব। ষ্টাৰ ইণ্ডিয়াৰ পেৰাচুটিষ্ট অৱনী লেখাৰাই পেৰিছ পেৰালিম্পিকত এক মহান যাত্ৰা বুলি কয়।
ভাৰতৰ তাৰকা পেৰাচুটিষ্ট অৱনী লেখাৰাই পেৰিছ পেৰালিম্পিকত এক বৃহৎ যাত্ৰা বুলি কয়।
ভাৰতীয় পেৰা শ্বুটাৰ মোনা আগৰৱালাই কয় যে তেওঁৰ পেৰালিম্পিক যাত্ৰা অতি সুন্দৰ আছিল। এইটো মোৰ প্ৰথম পেৰালিম্পিক আছিল আৰু মোৰ মনটো বৰ ভাল লাগিছে বুলিও কয় তেওঁ।
শুকুৰবাৰে পেৰিছ পেৰালিম্পিকত অনুষ্ঠিত হোৱা মহিলাৰ ১০ মিটাৰ এয়াৰ ৰাইফলৰ ফাইনেলত স্বৰ্ণ পদক লাভ কৰি বৰ্তমানৰ পেৰালিম্পিক চেম্পিয়ন অৱনীয়ে নিজৰ ধাৰা অব্যাহত ৰাখিছে। ইয়াৰ উপৰিও গেমছৰ ইতিহাসত দুটাকৈ স্বৰ্ণ পদক লাভ কৰা প্ৰথমগৰাকী ভাৰতীয় মহিলা হিচাপে পৰিগণিত হয়। একেটা ইভেণ্টতে শ্বুটাৰ মোনা আগৰৱালাই ব্ৰঞ্জৰ পদক লাভ কৰে। ইফালে পেৰা আৰ্চাৰ ৰাকেশ কুমাৰে এই জয়ৰ সকলো কৃতিত্ব নিজৰ প্ৰশিক্ষকসকলক দিলে।
চলি থকা পেৰিছ পেৰালিম্পিকত ইটালীৰ এলিওনোৰা ছাৰ্টি আৰু মেটিও বনাচিনাৰ বিৰুদ্ধে জয়লাভ কৰি মিক্সড টিম কম্পাউণ্ড ইভেণ্টত ভাৰতীয় ধনুৰ্বিদ যুটি ৰাকেশ কুমাৰ আৰু শীতল দেৱীয়ে ব্ৰঞ্জৰ পদক লাভ কৰে। সোমবাৰে চলি থকা মাৰ্কিন ইভেণ্টৰ ব্ৰঞ্জৰ পদক মেচত ইটালীৰ যুটিটোক ১৫৬-১৫৫ ব্য়ৱধানত পৰাস্ত কৰে।
চলি থকা পেৰালিম্পিকত ভাৰতে ৬টা স্বৰ্ণ পদক, ৯টা ৰূপৰ পদক আৰু ১২টা ব্ৰঞ্জৰ পদককে ধৰি ২৭টা পদক লাভ কৰিছে। পেৰালিম্পিক ক্ৰীড়া ইভেণ্টত ভাৰতে লাভ কৰা এইটোৱেই হৈছে সৰ্বাধিক সোণৰ পদক। ইয়াৰ পূ্ৰ্বে, ২০২০ চনত টকিঅ’ত মুঠ পাঁচটা সোণৰ পদক লাভ কৰিছিল। উল্লেখযোগ্য যে ভাৰতীয় পেৰা এথলীটসকলে তিনিটা স্বৰ্ণ, ৬টা ৰূপ আৰু ৬টা ব্ৰঞ্জৰ পদক লাভ কৰি দেশখনক গৌৰৱান্বিত কৰি তেওঁলোকৰ মুঠ পদক ১৫টালৈ বৃদ্ধি কৰিছে।
হিন্দুস্থান সমাচাৰ / অৰৱিন্দ
