বৰপেটা, ২৭ এপ্ৰিল (হি.স.)। যিদিনাৰ পৰা আজমল ডাঙৰীয়াই ৰাজনীতি আৰম্ভ কৰিছে সেই দিনাৰ পৰা বিজেপিয়ে অসমত গছ পুলি ৰোপন কৰিছে ৷ মানুহে কংগ্ৰেছৰ হৈ স্বতস্ফুৰ্তভাৱে ওলাই অহাত এই কথা প্ৰমাণ কৰিছে যে অসমৰ সংখ্যালঘু ৰাইজ বিভাজনকামী শক্তিৰ লগত নাই ৷ৰাইজ আজি শান্তি সম্প্ৰীতি আৰু ভাতৃত্ববোধৰ লগত আছে ৷
আনহাতে কংগ্ৰেছৰ প্ৰাৰ্থী ৰকিবুল হুছেইন এজন পাঁচ বাৰৰ বিধায়ক ৷ আজি ভূপেন কুমাৰ বৰাৰ সৱল নেতৃত্ব অসমৰ ৰাইজে আকোৱালি লৈছে ৷ যাৰ ফলত আজমল ডাঙৰীয়াই আজি থৰকা-ছুটি হেৰুৱাইছে ৷ অসমৰ ৰাইজে বদৰ উদ্দিন আজমলক প্ৰত্যাখ্যান কৰিছে ৷অসমৰ সাতামপুৰুষীয়া সভ্যতা-সংস্কৃতিৰ লগত অসম থিয় হৈছে ৷এআইইউডিএফৰ প্ৰাৰ্থী আজমলক আমি কিয় ভোট দিব নালাগে সাংবাদিকৰ আগত এই দৰে তাৰ ব্যাখ্যা কৰিলে প্ৰদেশ কংগ্ৰেছৰ সাধাৰণ সম্পাদক তথা মুখপাত্ৰ ৰফিকুল ইছলামে ৷শুকুৰবাৰে সন্ধিয়া কাছুমাৰা আৰু পূৱমহচৰাত দুখন কৈ কংগ্ৰেছৰ নিৰ্বাচনী কাৰ্যালয়ৰ উদ্ভোধনী অনুষ্ঠানত অংশ গ্ৰহন কৰি ভাষণ প্ৰসংগত মুখপাত্ৰ গৰাকীয়ে কয়--এই বাৰৰ নিৰ্বাচন উন্নয়নৰ নিৰ্বাচন ৷ এই বাৰৰ নিৰ্বাচন গণতন্ত্ৰ ৰক্ষাৰ শেষ যুজৰ নিৰ্বাচন হব ৷ এই বাৰৰ নিৰ্বাচন সংবিধান ৰক্ষাৰ যুজৰ নিৰ্বাচন হব ৷ এই বাৰ হব সাম্প্ৰদায়িকতাৰ বিৰুদ্ধে নিৰ্বাচন ৷
এই দৰে ভাষণ প্ৰদান কৰি সকলো কংগ্ৰেছ কৰ্মীকে ৰকিবুল হুছেইনক জয়ী কৰাবলৈ মানুহৰ ঘৰে ঘৰে গৈ চেষ্টা অব্যাহত ৰাখিবলৈ অনুৰোধ জনায় ৷ নিৰ্বাচনী কাৰ্যালয়ৰ উদ্ভোধনী অনুষ্ঠানত কাছুমাৰা আৰু ম''হচৰা মণ্ডল কংগ্ৰেছৰ বিষয়-ববীয়া, নিৰ্বাচন পৰিচালনা কমিটিৰ বিষয়-ববীয়া, প্ৰদেশ যুৱ কংগ্ৰেছৰ নেতা কৰ্মীৰ লগতে অঞ্চলটোৰ সন্মানীয় ব্যাক্তি সকল উপস্থিত থাকে ৷৷
হিন্দুস্থান সমাচাৰ / কিশোৰ /আলোক.