কামৰূপ, ২৬ এপ্ৰিল (হি স)। তামুলপুৰৰ বন বিভাগৰ সৈতে যৌথভাৱে সীমান্ত চকী গুৱাবাৰী, বিমলানগৰ আৰু ৰাজগড়ত সাশাস্ত্ৰ সীমা বল ৰঙিয়া (অসম)ৰ ২৪ নং কৰ্পছৰ যৌথ অভিযান ভাৰত-ভূটান সীমান্তত বৃহস্পতিবাৰে অভিযান চলাইছিল। এই যৌথ অভিযানৰ সময়ত গাঁও-বৰিগাঁও, থানা- গোৰেশ্বৰ, জিলা তামুলপুৰত প্ৰায় - ৫৪.৩৯ Cft এটা অবৈধ কটাৰী মেচিন, জেনেৰেটৰ চেট আৰু কাঠ উদ্ধাৰ কৰা হয়।
জব্দ প্ৰক্ৰিয়াৰ অন্তত ওপৰত জব্দ কৰা সামগ্ৰীসমূহ বন বিভাগ, তামুলপুৰ (অসম)ৰ হাতত গতাই দিয়া হয়। ভাৰত-ভূটান সীমান্ত সুৰক্ষাৰ কৰ্তব্য পালন কৰাৰ সমান্তৰালকৈ সাশাস্ত্ৰ সীমা বালৰ ২৪ নং কৰ্পছে অবিৰতভাৱে এনে অভিযান চলাই আছে। ২৪ নং কৰ্পছৰ এছ এছ বি ৰঙিয়াই স্থানীয় নাগৰিকৰ সহযোগত তেওঁলোকৰ সৈতে নিয়মীয়াকৈ বৈঠকত মিলিত হৈ যিকোনো ধৰণৰ অপৰাধমূলক কাৰ্যকলাপ বা অবৈধ সৰবৰাহৰ তথ্য নিকটতম এছ এছ বি সীমান্ত আউটপোষ্ট বা কৰ্পছৰ মুখ্য কাৰ্যালয়লৈ প্ৰেৰণ কৰিবলৈ উৎসাহিত কৰিছে।
হিন্দুস্থান সমাচাৰ/প্ৰকাশ/মনোজ