গোলাঘাট, ২৪ এপ্ৰিল (হি.স.)। নুমলীগড়ৰ লেটেকুচাপৰি বৰগৰীয়াত অঘটন। খেতি পথাৰলৈ গৈ থকা অৱস্থাত ধণশিৰী নৈত বাগৰি পৰে এখন ট্ৰেক্টৰ। ট্ৰেক্টৰ খনত আছিল একে পৰিয়ালৰ তিনিজন লোক ।

ঘটনাস্থলীতে মৃত্যু হয় দীপক ঘাটোৱাৰ নামৰ এটি ৫ বছৰীয়া শিশুৰ। স্থানীয় ৰাইজৰ তত্পৰতাত বাকী দুজন ক্ৰমে ৰুমিতা ঘাটোৱাৰ (৬) নামৰ এটি শিশু আৰু সিমান্ত ঘাটোৱাৰ (২৮) নামৰ লোকজনক সুকলমে উদ্ধাৰ কৰা হয় নদীৰ পৰা। আহত দুজনক এ আ এল ৰ বিবেকানন্দ কেন্দ্ৰ চিকিৎসালয়ত ভৰ্তি কৰা হয় । ঘটনাস্থলীত উপস্থিত নুমলীগড় আৰক্ষী । সিমান্ত ঘাটোৱাৰ আৰু দীপক ঘাটোৱাৰ বাপেক পুতেক। ৰুমিতা ঘাটুৱাৰ দীপক ঘাটোৱাৰৰ ভতিজা।

হিন্দুস্থান সমাচাৰ/প্ৰকাশ/আলোক.