কোকৰাঝাৰ, ৩১ ডিচেম্বৰ (হি.স.): কোকৰাঝাৰ জিলাৰ পৰ্বতঝোৰা বগৰিবাৰী ১৭ নং ৰাষ্ট্ৰীয় ঘাইপথত যোৱাকালি সোমবাৰে সন্ধিয়া তীব্ৰ বেগী মালবাহী ট্ৰাক এখন নিয়ন্ত্ৰণ হেৰুৱাই পথৰ পথৰ দাঁতিত বাগৰি পৰে। ট্ৰাকখন ভাই ভাই মিষ্টান্ন ভাণ্ডাৰ নামৰ ব্য়ৱসায়িক প্ৰতিষ্ঠানখনৰ সন্মুখত বাগৰি পৰাৰ ফলত আহত হয় এজন পথচাৰি। অৱশ্য়ে এই ঘটনাৰ পৰা কথমপি প্ৰাণ ৰক্ষা পৰে বহু পথচাৰিৰ।

জানিব পৰামতে, গুৱাহাটীৰ পৰা ধুবুৰী অভিমুখে আহি থকা এপি ৩৯ টিজি ৯৩৫১ নম্বৰৰ মালবাহী ট্ৰাক খনৰ চালক জন ঘটনা স্থলীত পৰা পলাই যায়। ইতিমধ্যে আহত ব্যক্তি জনক চিকিৎসালয়ত ভৰ্তি কৰা হৈছে । ইতিমধ্যে ঘটনা স্থলীত বগৰিবাৰী আৰক্ষী উপস্থিত হৈ তদন্ত আৰম্ভ কৰিছে।

হিন্দুস্থান সমাচাৰ / কিশোৰ মিশ্ৰ