নতুন দিল্লী, ২৬ ডিচেম্বৰ (হি.স.)। দিল্লী ৱাকফ ব’ৰ্ডৰ সৈতে জড়িত ইমাম আৰু মোৱাজ্জিনসকলে ১৭ মাহৰ দৰমহা নোপোৱাৰ বাবে ক্ষুব্ধ হৈ আজি ৫ ফিৰোজশ্বাহ ৰোডত থকা দিল্লীৰ প্ৰাক্তন মুখ্যমন্ত্ৰী তথা আম আদমি পাৰ্টিৰ আহ্বায়ক অৰবিন্দ কেজৰিৱালৰ চৰকাৰী বাসগৃহত উপস্থিত হয় যদিও আৰক্ষীয়ে তেওঁলোকক ঘৰৰ পৰা আঁতৰত বাধা প্ৰদান কৰে। অল ইণ্ডিয়া ইমাম এছ’চিয়েশ্যনৰ সভাপতি মৌলানা সাজিদ ৰছিদীৰ নেতৃত্বত কেজৰিৱালক লগ নোপোৱাকৈ ইমামসকলে খালী হাতেৰে উভতি আহিবলগীয়া হৈছিল। পিছত ২৮ ডিচেম্বৰত কেজৰিৱালক লগ কৰিবলৈ এপইণ্টমেণ্ট দিয়াৰ পিছত ইমাম তাৰ পৰা উভতি গ’ল।
অল ইণ্ডিয়া ইমাম এছ’চিয়েশ্যনৰ ৰাষ্ট্ৰীয় সভাপতি মৌলানা ছাজিদ ৰছিদীয়ে কয় যে দিল্লী চৰকাৰৰ অধীনস্থ দিল্লী ৱাকফ ব’ৰ্ডৰ মছজিদত নিযুক্তি দিয়া প্ৰায় ২৪০ ইমাম আৰু ম’জিনে বিগত ১৭ মাহৰ দৰমহা লাভ কৰা নাই। চৰকাৰক বাৰে বাৰে অনুৰোধ জনোৱাৰ পিছতো এই সমস্যাৰ কোনো সমাধান পোৱা নাই। সেয়ে আজি তেওঁ কেজৰিৱালক তেওঁৰ বাসগৃহত লগ কৰিবলৈ আহিছিল যদিও তেওঁক লগ কৰিবলৈ দিয়া নহ’ল। তেওঁ ক’লে যে আমাক পৰহিলৈ ২৮ ডিচেম্বৰৰ পিছদিনা সন্ধিয়া ৫ বজাত সময় দিয়া হৈছে।
তেওঁ কয় যে দৰমহা নিদিয়াৰ বাবে ইমামসকলৰ অৱস্থা কৰুণ হৈ পৰিছে। আমি সকলোৱে ঋণ বিচাৰি জীৱিকা নিৰ্বাহ কৰি আছো। লগতে ল'ৰা-ছোৱালীৰ স্কুলৰ মাচুল আদি সময়মতে দিব পৰা নাই। ইমানক প্ৰতিমাহে ১৮ হাজাৰ আৰু মোৱাজ্জিনক ১৬ হাজাৰ টকা ৱাকফ ব’ৰ্ডৰ জৰিয়তে দিয়া হয়। পৰহিলৈ কেজৰিৱালক লগ পোৱাৰ পিছত যদি আমাৰ সমস্যাৰ সমাধান নহয়, তেন্তে কেজৰিৱালৰ ঘৰৰ বাহিৰত প্ৰতিবাদ কৰিবলৈ বাধ্য হ'ব।
हिन्दुस्थान समाचार / মনোজ কুমাৰ শইকীয়া
