নগাঁও, ২৮ জানুৱাৰী (হি.স.)। নগাঁও জিলাৰ ধিঙৰ খৈৰামাৰীত বলপূর্বক বাবে ভূমি বেদখলৰ চেষ্টা চলোৱাৰ ঘটনা সংঘটিত হৈছে। নিজৰ মাটিত চৰকাৰী আবাস গৃহ নির্মাণত বাধা প্ৰদান কৰে ভূ-মাফিয়া-দেৱানীয়ে । নিজৰ ম্যাদিপট্টা ভূমিত চৰকাৰে প্ৰদান কৰা আবাস গৃহ নির্মাণৰ নামত বাধা দিয়ে একাংশ ভূ-মাফিয়াৰূপী দুস্কৃতিকাৰীয়ে ।
অভিযোগ মতে, বিগত কিছুদিন ধৰি ধিঙৰ খৈৰামাৰী গাৱৰ আমজত আলীৰ পৰিয়ালৰ ওপৰত দা লাঠি লৈ উপৰ্যুপৰি আক্ৰমণ কৰাৰ লগতে বিভিন্ন ভয়-ভাবুকিৰে ভূমি বেদখলৰ চেষ্টা চলাইছে একে গাঁৱৰে একাংশ গুণ্ডা ও দেৱানী প্ৰকৃত লোকে। যাৰ ফলত নিৰাপত্তাহীনতাত ভুগি থকা আমজত আলীৰ পৰিয়ালৰ লোকে উপায়ন্তৰ হৈ ধিং আৰক্ষী থানত এজাহাৰ দাখিল কৰিছে ।
সেয়ে ঘটনা সংক্রান্তত তদন্ত ক্ৰমে উচিত ন্যায় বিচাৰি ভুক্তভোগী পৰিয়ালৰ লোকে চৰকাৰ তথা আৰক্ষী প্ৰশাসনক অনুৰোধ জনাইছে।
হিন্দুস্থান সমাচাৰ/ কিশোৰ/ বিস্মিতা/মনোজ
