গোলাঘাট, ১৯ জুলাই (হি.স.)। নুমলীগড়ত নৃশংস হত্যাকাণ্ড। ককায়েকৰ প্ৰহাৰত প্ৰাণ গ’ল ভায়েকৰ। নুমলীগড়ৰ কানাইঘাট-যমুনাতলীত সংঘটিত হৈছে এক নৃশংস হত্যাকাণ্ড। নিশা ১২ বজাত ককায়েক-ভায়েকৰ মাজত সংঘটিত প্ৰচণ্ড কাজিয়া হয়। ককায়েক দীপক ওৰাঙৰ প্ৰহাৰত ভায়েক সন্তোষ ওৰাং গুৰুতভাৱে আহত হয় আৰু পুৱা কৰুণ মৃত্যুক আঁকোৱালি লয়।

খেতিৰ কামক লৈ প্ৰথমে বাক-বিতণ্ডা হৈছিল। তাৰ পিছতে কাজিয়াৰ সূত্ৰপাত হয়। ইতিমধ্যে হত্যাকাৰী ভাতৃক নুমলীগড় আৰক্ষীয়ে গ্ৰেপ্তাৰ কৰি তদন্ত অব্যাহত ৰাখিছে। ইপিনে, মৃতদেহ মৰণোত্তৰ পৰীক্ষাৰ ব্যৱস্থা কৰিছে।

হিন্দুস্থান সমাচাৰ / নিৰ্মলেন্দু