ধুবুৰী, ১৯ জুলাই (হি.স.)। বিলাসীপাৰাৰ ছুৱাপাতা ১ম খণ্ড গাঁৱত আৰক্ষীৰ অভিযান। শালকোচা আৰক্ষীয়ে চলোৱা অভিযানত বৃহৎ পৰিমাণৰ য়াবা টেবলেট সহ আটক এজন সৰবৰাহকাৰী । গাঁও খনৰ হানিফ আলীৰ ঘৰৰ পৰা জব্দ য়াবা টেবলেট সমূহৰ লগতে সৰবৰাহকাৰী জনক । আটক কামৰূপ জিলাৰ গৰৈমাৰীৰ আলম আলী ।

আন এজন সৰবৰাহকাৰী কাছেম আলী আন্ধাৰৰ সুযোগ লৈ পলায়ন কৰে । পলাতক কাশেম আলীৰ ঘৰও কামৰূপৰ ছয়গাৱত। সম্প্ৰতি ড্ৰাগছৰ ক'ৰিডৰত পৰিণত হৈছে ছুৱাপাতা ১ম খণ্ড । আৰক্ষীয়ে জব্দ কৰা য়াবা টেবলেট খিনিৰ আনুমানিক মূল্য ১কোটি টকা হব ।

পলাতক কাশেম আলীৰ বিৰুদ্ধে আৰক্ষীয়ে তদন্ত অব্যাহত ৰাখিছে।

হিন্দুস্থান সমাচাৰ / নিৰ্মলেন্দু