ধুবুৰী, ১৮ জুলাই (হি.স.)। বিলাসীপাৰা সমজিলাৰ বিলাসীপাৰা,চাপৰ আৰু গৌৰীপুৰ আৰক্ষী থানাৰ অন্তৰ্গত ৬৩ খন ৰাজহ গাঁও কৰ্তন কৰি ফকিৰগঞ্জ আৰক্ষী থানাত অন্তৰ্ভুক্তি কৰাত জাঙুৰ খাই উঠিছে বিলাসীপাৰা জিলা আমছুই ।
জিলা আমছুৰ উদ্যোগত বিলাসীপাৰা সমজিলা আয়ুক্তৰ কাৰ্যালয়ৰ সন্মুখত ২ ঘণ্টীয়া অৱস্থান ধৰ্মঘট কাৰ্যসূচী ৰূপায়ন কৰে ।
অসমৰ গৃহ বিভাগে ৬৩ খন ৰাজহ গাঁও কৰ্তন কৰাৰ সিদ্ধান্তক সহজ ভাৱে মানি ল'ব পৰা নাই আমছূৱে ।
কিয়নো এই গাওঁ ৬৩ খনৰ সৰ্ব সাধাৰণ ৰাইজে আইন সম্পৰ্কীয় কাম কাজৰ বাবে এক ডেৰ শ কিলোমিটাৰ বাট অতিক্ৰম কৰিব লাগিব ।
ফলত আৰ্থিক ভাবে জুৰুলা হোৱাৰ লগতে অধিক সময় খৰচ কৰিব লাগিব ।
সেয়ে গৃহ বিভাগৰ এনে হঠকাৰী সিদ্ধান্ত প্ৰত্যাহাৰ কৰাৰ দাবীত সাব্যস্ত কৰে এই অৱস্থান ধৰ্মঘট ।
ধৰ্মঘটৰ অন্তত বিলাসীপাৰা সম জিলা আয়ুক্তৰ জৰিয়তে মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰে ।
হিন্দুস্থান সমাচাৰ / প্ৰকাশ ডেকা
