বৰপেটা , ১৭ জুলাই (হি.স.)। হাউলীত আধুনিক কৃষি জ্ঞান কেন্দ্ৰৰ শুভাৰম্ভ কৰে অসম বিধানসভাৰ অধ্যক্ষ ৰনজিৎ কুমাৰ দাসে
: কৃষকৰ বাবে নতুন আশাৰ সঞ্চাৰ
বৰপেটা জিলাৰ হাউলীত কৃষি বিভাগৰ এক প্ৰয়াসৰ ফলশ্ৰুতিত নিৰ্মাণ কৰি উলিওৱা ‘বি আৰ চি নলেজ চেণ্টাৰ’ (বি আৰ চি নলেজ চেন্টাৰ ) তথা কৃষক জ্ঞান কেন্দ্ৰটো আনুষ্ঠানিকভাৱে উদ্বোধন কৰা হয়। প্ৰায় ৬৮ লাখ টকা ব্যয়সাপেক্ষে ‘আৰ আই ডি এফ-২৭’ (আৰ ই ডি এফ -এক্স এক্স ভি আই আই ) আঁচনিৰ অধীনত নিৰ্মাণ কৰা এই অত্যাধুনিক ভৱনটো আনুষ্ঠানিকভাৱে উদ্বোধন কৰে ভৱানীপুৰ সমষ্টিৰ বিধায়ক তথা অসম বিধানসভাৰ অধ্যক্ষ ৰনজিৎ কুমাৰ দাসে।
অঞ্চলটোৰ কৃষি খণ্ডৰ সৰ্বাংগীন বিকাশৰ লক্ষ্যৰে স্থাপন কৰা এই কেন্দ্ৰটোৱে কৃষকসকলক বিভিন্ন ক্ষেত্ৰত সহায় আগবঢ়াব।
আধুনিক কৃষি পদ্ধতিৰ ওপৰত কৃষকসকলক প্ৰশিক্ষণ প্ৰদান।
তথ্য-সেৱা: কৃষি সম্পৰ্কীয় সঠিক তথ্য আৰু দিহা-পৰামৰ্শ প্ৰদান কৰা।
উদ্বোধনী অনুষ্ঠানত ভাষণ প্ৰদান কৰি অধ্যক্ষ ৰনজিৎ কুমাৰ দাসে কয় যে, ৰাজ্য চৰকাৰ সদায় কৃষকৰ কল্যাণৰ বাবে বদ্ধপৰিকৰ। পঞ্জীয়নভুক্ত (Registered) কৃষকসকলক সকলো ধৰণৰ সুবিধা প্ৰদান কৰিবলৈ চৰকাৰ প্ৰতিশ্ৰুতিবদ্ধ। তেওঁ আশা প্ৰকাশ কৰে যে, এই আধুনিক জ্ঞান কেন্দ্ৰটোৱে কৃষকসকলক প্ৰয়োজনীয় সুবিধা প্ৰদান কৰাৰ লগতে কৃষি উৎপাদন বৃদ্ধিত বিশেষ সহায়ক হৈ পৰিব।
এই কেন্দ্ৰটোৰ শুভাৰম্ভই হাউলী অঞ্চলৰ কৃষিজীৱি ৰাইজৰ মাজত এক নতুন উৎসাহৰ সৃষ্টি কৰিছে।
হিন্দুস্থান সমাচাৰ / প্ৰকাশ ডেকা
