বৰপেটা, ১৬ জুলাই (হি.স.): বজালীৰ ভৱানীপুৰ গলিয়া ২৭ নং ৰাষ্ট্ৰীয় ঘাইপথত সংঘটিত হৈছে এক ভয়ংকৰ পথ দূৰ্ঘটনা । তীব্ৰ বেগী ট্ৰাকে মহতিয়ালে বাইক আৰোহীক । ফলত থিতাতে নিহত হয় এজন লোক । আনহাতে গুৰুতৰ ভাবে আহত হয় আন এজন ।

দুৰ্ঘটনাটোত নিহত যুৱকজন ভৱানীপুৰৰ মনোজ দাস (২৪) বুলি চিনাক্ত কৰা হৈছে । ইফালে আহত জন ভৱানীপুৰৰ দেৱজিৎ তালুকদাৰ বুলি পৰিচয় পোৱা গৈছে । সংকটজনক অৱস্থাত দেৱজিৎ তালুকদাৰক বৰপেটা চিকিৎসা মহাবিদ্যালয়লৈ প্ৰেৰণ কৰা হয় । দূৰ্ঘটনাত সংঘটিত কৰি পলায়ন কৰে ট্ৰাকখনে । ঘটনাস্থলীত ভৱানীপুৰ আৰক্ষী উপস্থিত হৈ মৃতদেহটো ভৱানীপুৰ আৰক্ষী চকীলৈ লৈ আহে । দূৰ্ঘটনা সংঘটিত কৰা ট্ৰাকখনক বিচাৰি ভৱানীপুৰ আৰক্ষীয়ে তদন্ত আৰম্ভ কৰিছে ।

হিন্দুস্থান সমাচাৰ / কিশোৰ মিশ্ৰ