ওডালগুৰি, ০৯ জানুৱাৰী (হি.স.)। ওৰাঙৰ কেজেবি উচ্চতৰ মাধ্যমিক বিদ্যালয়ত আই মাতৃৰ কান্দোনৰ ৰোল | এগৰাকী মাতৃৰ জীৱনৰ সংঘৰ্ষ, সংগ্ৰামৰ কাহিনীৰে এক আৱেগিক মূহুৰ্ত দেখা যায় বিদ্যালয়খনত| মাতৃ বন্দনাৰ উদ্দেশ্যে লখিমপুৰৰ মা অনুষ্ঠান আৰু ওৰাঙৰ সাৰথি ন্যাসে আজি অনুষ্ঠিত কৰে “মা অনুষ্ঠান” শীর্ষক সজাগতা সভা তথা সেৱা অনুষ্ঠান |
অনুষ্ঠানত লক্ষ্মীমপুৰস্থিত মেচার্চ জি বৰদলৈ এণ্টাৰপ্ৰাইজৰ স্বত্বাধিকাৰী গোবিন বৰদলৈয়ে প্রায় ১০০ গৰাকী বৃদ্ধা আই মাতৃক গামোচা আৰু গৰম কাপোৰেৰে সেৱা আগবঢ়ায় | অনুষ্ঠানৰ আৰম্ভণিতে ওৰাং লক্ষ্মী মন্দিৰৰ পৰা বিদ্যালয় প্ৰাংগনলৈ ১০০ গৰাকী আইমাতৃক গায়ন বায়নেৰে আদৰি অনা হয় | এগৰাকী মাতৃৰ সংগ্রাম, বুকুৰ মাজত সোমাই থকা বিষ বেদনাৰ কিছু সুস্থিৰ আলোচনাৰ বাবে মা অনুষ্ঠান আৰু সাৰথি ন্যাসে এনে বর্ণিল অনুষ্ঠান অনুষ্ঠিত কৰাত এতিয়া প্ৰসংশাৰে ওপচাইছে অঞ্চলটোৰ বিদ্বতমহলে |
হিন্দুস্থান সমাচাৰ / নিৰ্মলেন্দু
