ওদালগুৰি, ০৯ জানুৱাৰী (হি.স.)। পুনৰ বৰ্হিৰাজ্যত অসমৰ এজন লোকৰ মৃত্যু। কৰ্ণাটকৰ চিক্কামাগালুৰ জিলাৰ কাইমাৰাত কফি বনোৱা মেচিনত সোমাই মৃত্যু হয় অসমৰ এজন লোকৰ | মৃত লোকজন ৰৌতাৰ সৰ্বহেৰুৱা গাঁৱৰ নজৰ আলী(৫৫) বুলি চিনাক্ত কৰা হৈছে।

ঘটনাৰ পাছতেই এতিয়া মৃত নজৰ আলীৰ বাসগৃহত সৃষ্টি হৈছে শোকাকুল পৰিৱেশৰ | অতি দৰিদ্র পৰিয়ালটোৱে মৃতদেহ অসমলৈ ঘুৰাই অনাৰ বাবেও অসমৰ্থ হৈ সহায় বিচাৰিছে অসম চৰকাৰৰ | লগতে মৃত নজৰ আলীৰ হৈ চৰকাৰে ক্ষতিপূৰণৰ ব্যৱস্হা কৰি দিয়াৰো আহ্বান পৰিয়ালৰ |

হিন্দুস্থান সমাচাৰ / নিৰ্মলেন্দু