কোকৰাঝাৰ, ০৮ জানুৱাৰী (হি.স.)। কোকৰাঝাৰ জিলাৰ পৰ্বতঝোৰাৰ টিপকাই আৰক্ষীৰ জালত পৰিছে এটা কুখ্যাত গৰু চোৰ।

গৰু চোৰটো গৌৰীপুৰৰ বগুলামাৰী গাঁৱৰ তালেপ আলী বুলি পৰিচয় পোৱা গৈছে ।

গোপন খবৰৰ ভিক্তিত আৰক্ষীয়ে বগুলা মাৰীত অভিযান চলাই আটক কৰে গৰু চোৰটোক। বগৰিবাৰী থানাত ৩০৫/৩৩১(৩)BNS ধাৰাত ৭০/২০২৫ নম্বৰত ৰুজু হৈ থকা গোচৰ ভিক্তিত গ্ৰেপ্তাৰ কৰা হৈছে চোৰটোক। উল্লেখ্য় যে দীৰ্ঘদিনৰ পৰাই পৰ্বত ঝোৰাত এটা গৰু চোৰ চক্ৰই সন্ত্ৰাস সৃষ্টি কৰি আহিছিল । এই গৰু চোৰ চক্ৰৰ লগত জড়িত হৈ আছিল তালেপ আলী।

এই তালেপ গেঙৰ সৈতে আৰু কোন কোন জঢ়িত আছে সেই বিষয়ে সন্ধান উলিয়াবলৈ বগৰিবাৰী আৰক্ষীয়ে তদন্ত অব্য়াহত ৰাখিছে।

---------------

হিন্দুস্থান সমাচাৰ / প্ৰকাশ ডেকা