মৰিগাঁও, ০৮ জানুৱাৰী (হি.স.)। জাগীৰোডত অসমৰ ৰাজ্যপাল লক্ষ্মণ প্ৰসাদ আচাৰ্য ।মৰিগাঁও জিলা ভ্ৰমণৰ উদ্দেশ্যে অহা অসমৰ ৰাজ্যপাল লক্ষ্মণ প্ৰসাদ আচাৰ্যই প্ৰথমে জাগীৰোড পৰিদৰ্শন বাংলাত অসম আৰক্ষীৰ অভিবাদন গ্ৰহণ কৰে ৷ তাৰ পিছতে ৰাজ্যপাল গৰাকী উপস্থিত হয় জাগীৰোড চাৰাংকুছিৰ এখন জৈৱিক কৃষি ফাৰ্মত ৷

দন্ত চিকিৎসক দীপক শইকীয়াই গঢ়া জৈৱিক কৃষি ফাৰ্মৰ বিভিন্ন প্ৰজাতিৰ থলুৱা মাছ ,হাহ,কুকুৰা , কাছ , মৌ আদিৰ লগতে বিভিন্ন প্ৰকাৰৰ অৰ্কিড আৰু বিভিন্ন প্ৰজাতিৰ চৰাই পালন কৰা পদ্ধতি সমূহ পৰিদৰ্শন কৰি অভিভূত হয় ৷ ৰাজ্যপাল গৰাকীয়ে ফাৰ্মখন পৰিদৰ্শন কৰাৰ বাবে চিকিৎসক দীপক শইকীয়াই কৃতজ্ঞতা জ্ঞাপন কৰাৰ লগতে সন্তোষ প্ৰকাশ কৰে।

হিন্দুস্থান সমাচাৰ / প্ৰকাশ ডেকা