ওদালগুৰি, ০৪ জানুৱাৰী (হি.স.)। বিপিএফ দলৰ কছাৰীছন প্ৰাইমাৰী সমিটিৰ সপ্তম বাৰ্ষিক অধিবেশন সম্পন্ন আজি চাৰি জানুৱাৰী তাৰিখে দিনযোৰা কাৰ্য্যসুচীৰে ওদালগুৰিৰ কছাৰীছন প্ৰাইমাৰী কমিটিৰ কাৰ্য্যালয় প্ৰাংগনত অনুষ্ঠিত হয় । কাৰ্য্যসুচী অনুসৰি পুৱা আঠ বজাত পতাকা উত্তোলন, ন বজাত ছহিদ তৰ্পন , ১০বজাৰ পৰা প্ৰতিনিধি সভা অনুষ্ঠিত হয় । প্ৰতিনিধি সভাত আগন্তুক বৰ্ষৰ বাবে ৰবীন স্বৰ্গীয়াৰীক সভাপতি , জয়নাল আবেদিন আৰু প্ৰদীপ তালুকদাৰক উপ সভাপতি আৰু শনিৰাম বড়োক মুখ্য সম্পাদক, সুৰেন হালৈক সম্পাদক ৰূপে লৈ প্ৰাইমাৰী সমিতি খন গঠন কৰা হয় ।
আজিৰ প্ৰতিনিধি সভাতে বিপিএফ দলৰ কছাৰিচন প্ৰাইমাৰী মহিলা সমিতি আৰু বিপিএফ দলৰ যুৱ সমিতি দুখনৰো নতুন সমিতি খন গঠন কৰে । বিয়লি দুই বজাত কছাৰীচন প্ৰাইমাৰী সমিতিৰ বিদায়ী মুকলি সভাপতি ৰবিন স্বৰ্গীয়াৰীৰ সভাপতিত্বত অনুষ্ঠিত হোৱা মুকলি সভা খনত অসম চৰকাৰৰ পৰিবহন মন্ত্ৰী চৰন বড়ো উপস্থিত থাকি ভাষন ৰাখে । বিপিএফ দলৰ ওডালগুৰি জিলা সমিতিৰ সম্পাদক ফাডাৰাম বসুমতাৰী , বিপিএফ দলৰ কেন্দ্ৰীয় সমিতিৰ সদস্য বিনোদ বৈশ্য ,বিপিএফ দলৰ ৰৌতা ব্লক কমিটিৰ সভাপতি উদাং দৈমাৰী, বিপিএফ নেতা খগেন মুছাহাৰী , কছাৰীচন ভিচিডিচিৰ অধ্যক্ষ ভদ্ৰেশ্বৰ বসুমতাৰী কচাৰীচন ভিচিডিচিৰ উপাধ্যক্ষ আব্দুল মালেকে মুকলি সভাত উপস্থিত থাকে ।
হিন্দুস্থান সমাচাৰ / কিশোৰ মিশ্ৰ