শোণিতপুৰ, ০৩ জানুৱাৰী (হি.স.)। তেজপুৰৰ নতুন কলিবাৰীৰ এজন লোক দুই জানুৱাৰীৰ নিশাৰ পৰাই সন্ধানহীন হৈ থকাত নিৰুদ্দিষ্ট লোকজনৰ পৰিয়ালটোত হাঁহাকাৰ অৱস্থাৰ সৃষ্টি হৈছে ৷

উল্লেখযোগ্য যে, পূৰ্বে তেজপুৰ আদালতত মহৰী হিচাপে কাম কৰা নতুন কলিবাৰীৰ কবিৰাম ৰাভা নামৰ ৭০ বছৰীয়া লোকজন যোৱা দুই জানুৱাৰীৰ নিশা আন দিনাৰ দৰেই শুবলৈ গৈছিল৷ কিন্তু পৰিয়ালৰ লোকৰ অজ্ঞাতেই তেওঁ ঘৰৰ পৰা ওলাই যোৱাৰ পিছত তেওঁৰ কোনো সন্ধান ওলোৱা নাই৷

ইতিমধ্যে তেওঁক পৰিয়ালৰ লোকে বিভিন্ন স্হানত সন্ধান কৰে যদিও তেওঁৰ সন্ধান নোলোৱাত ইতিমধ্যে এই সন্দৰ্ভত তেজপুৰ সদৰ আৰক্ষী থানাত এজাহাৰ দাখিল কৰিছে৷

উল্লেখযোগ্য যে, লোকজন কিছুদিনৰ পৰা মানসিক ভাবে কিছু অসুস্থতাতো ভূগী আছিল৷ লোকজনৰ সন্ধান পালে ৮৯৮৬৫ ৯৫৬৯০ নম্বৰত যোগাযোগ কৰিবৰ বাবেও পৰিয়ালটোৱে আহ্বান জনাইছে৷

হিন্দুস্থান সমাচাৰ / সমীৰ কাৰ