ওদালগুৰি, ০৩জানুৱাৰী (হি.স.)। পৰিবহণ ক্ষেত্রত উত্তৰণ ঘটাই আজিৰে পৰা ওদালগুৰি জিলাৰ মাজবাটত আৰম্ভ হল গ্রীণ বাছ সেৱা | পৰিবহণ ক্ষেত্রত উত্তৰণ ঘটাই আজিৰে পৰা ওদালগুৰি জিলাৰ মাজবাটত আৰম্ভ হল গ্রীণ বাছ সেৱা | স্থানীয় বিধায়ক তথা অসম চৰকাৰৰ পৰিবহন মন্ত্রী চৰণ বড়োই মুকলি কৰে গ্ৰীণ বাছ সেৱা | প্রতিদিনে মাজবাটৰ পৰা তেজপুৰলৈ চলিব গ্রীণ বাছখন |
গ্ৰীণ বাছ সেৱা মুকলি অনুষ্ঠানত উপস্থিত থাকে বিটিচি ৰ চীফ হাগ্রামা মহিলাৰী, ডেপুটি চীফ ৰিহণ দৈমাৰী, অসম চৰকাৰৰ মন্ত্রী জয়ন্ত মল্ল বৰুৱা, স্থানীয় পাৰিষদ শ্যাম চুণ্ডীকে আদি কৰি বহু বিশিষ্ট ব্যক্তি | পৰিবহন মন্ত্রী চৰণ বড়োৱে কয় যে, এখন গ্ৰীণ বাছে এবাৰ চাৰ্জ কৰিলে ১২০ কি. মি যাব পাৰে | সেইবাবে ইতিমধ্যে কেৱল তেজপুৰৰ পৰা মাজবাটলৈ এই সেৱা মুকলি কৰা হৈছে | যিহেতুকে তেজপুৰত গ্ৰীণ বাছ চাৰ্জিং ষ্টেচন আছে তাৰবাৰে এই সিদ্ধান্ত গ্রহণ কৰা হৈছে | লগতে, পৰৱৰ্তী সময়ত ওদালগুৰিতো এটা চাৰ্জিং ষ্টেচন নির্মাণ কৰাৰ কথা দোহাৰে পৰিবহন মন্ত্রী চৰণ বড়োৱে |
হিন্দুস্থান সমাচাৰ / নিৰ্মলেন্দু