গোলাঘাট, ১২ জানুৱাৰী (হি.স.)। মৰঙিৰ পোৰাবঙলা খেল পথাৰত স্বামী বিবেকানন্দৰ জন্ম দিৱস উপলক্ষে সামুহিক সূৰ্য্য নমস্কাৰৰে যুৱ দিৱস পালন৷

স্বামী বিবেকানন্দৰ জন্ম দিৱসটো সমগ্ৰ ভাৰতবৰ্ষতে যুৱ দিৱস হিচাপে পালন কৰা হয়৷ এই উপলক্ষে নুমলীগড় শোধনাগাৰ বিবেকানন্দ কেন্দ্ৰ চিকিৎসালয়ৰ উদ্যোগত আৰু নুমলীগড় শোধনাগাৰৰ সহযোগত মৰঙিৰ দৈগ্ৰোং বাগিচা খেল পথাৰত সামুহিক সূৰ্য প্ৰণাম কাৰ্যসুচী পালন কৰা হয়৷ পুৱা দহ বজাৰ পৰা অনুষ্ঠিত কাৰ্যসুচীৰ শুভ উদ্বোধন কৰে বিবেকানন্দ কেন্দ্ৰৰ সমন্বয়ক ডা° শোভাৰাণী বৰকটকীয়ে৷ সভাত মৰঙি ৰাজহ চক্ৰ বিষয়া ৰণন্ময় ভৰদ্বাজ, মৰঙি প্ৰেছ ক্লাৱৰ সভাপতি হেমন্ত শইকীয়া, সম্পাদক পৰাগজ্যোতি শইকীয়া, প্ৰাক্তন শিক্ষক মহেন শইকীয়া, বিবেকানন্দ কেন্দ্ৰ এন আৰ এল চিকিৎসালয়ৰ অধীক্ষক ডা° ৰঞ্জন কুমাৰ মহন্ত বিশিষ্ট অতিথি হিচাপে উপস্থিত থাকে৷ সূৰ্য্য নমস্কাৰ কাৰ্যসুচীত কুৰিখন বিদ্যালয়ৰ পাঁচ শতাধিক ছাত্ৰ - ছাত্ৰীয়ে অংশগ্ৰহণ কৰে৷

হিন্দুস্থান সমাচাৰ / নিৰ্মলেন্দু