চৰাইদেউ, ১২ জানুৱাৰী (হি.স.)। নাজিৰাৰ বামুণপুখুৰী চাহ বাগিচাত নাহৰফুটুকী পিঞ্জৰাবদ্ধ l

নাজিৰাৰ বামুণপুখুৰী চাহ বাগিচাত যোৱা নিশা পিঞ্জৰাবদ্ধ হয় এটা নাহৰফুটুকী বাঘ। কিছুদিন ধৰি বাগিচা কৰ্তৃপক্ষই বাগিচাখনত বাঘৰ উপস্থিতিৰ উমান পোৱাত লক্ষ্মীজান খণ্ড বন কাৰ্যালয়ৰ বিষয়াক অৱগত কৰে। ৫ দিন পূৰ্বে বন বিভাগে বাগিচাৰ ১৫ নং লাইনৰ এক স্থানত পিঞ্জৰা স্থাপন কৰে । আজি পুৱা ভাগত বামুণপুখুৰী চাহ বাগিচাৰ শ্ৰমিকে উক্ত এলেকাত কাম কৰিবলৈ যাওঁতে বাঘৰ গুজৰণি শুনা পাই লগে লগে শ্ৰমিকে বাগিচাৰ পৰিচালকক অৱগত কৰে । বাগিচাৰ পৰিচালকে ক্ষীপ্ৰতাৰে বন বিভাগৰ লোকক জনোৱাত বিহুবৰ আৰু লক্ষ্মীজান খণ্ড বন কাৰ্যালয়ৰ কৰ্মী আৰু বাগিচাৰ শ্ৰমিকৰ সহায়ত পিঞ্জৰাবদ্ধ নাহৰফুটুকী বাঘটো লক্ষ্মীজান খণ্ড বন কাৰ্যালয়ত চমজাই দিয়ে ।

হিন্দুস্থান সমাচাৰ / নিৰ্মলেন্দু