লাহোৰ, ০৩ জুন (হি.স.)। লাহোৰত মঙলবাৰে নিশা অনুষ্ঠিত হোৱা দ্বিতীয়খন এদিনীয়াত অষ্ট্ৰেলিয়াই উল্লেখযোগ্য প্ৰত্যাৱৰ্তন ঘটাই পাকিস্তানক ৪১ ৰাণত পৰাস্ত কৰি তিনিখন মেচৰ শৃংখলা ১-১ ব্য়ৱধানত সমতা স্থাপন কৰে। লেহেমীয়া আৰু কম বাউন্স পিটছত দ্ৰুত বলাৰ নাথান এলিছৰ মাৰাত্মক বলিঙৰ ফলত মেচখন অষ্ট্ৰেলিয়াৰ পক্ষত ঘূৰি আহিল। এলিছে চাৰিটা উইকেট দখল কৰি পাকিস্তানৰ বেটিং ভেঙুচালি কৰে।
টছত পৰাস্ত হৈ প্ৰথমে বেটিং কৰাৰ সিদ্ধান্ত লোৱাৰ পিছত অষ্ট্ৰেলিয়াৰ আৰম্ভণি হৈছিল বিপৰ্যয়জনক। প্ৰথম বলত এলেক্স কেৰীক আউট কৰা হয়। ইয়াৰ পিছতে মেথিউ শ্বৰ্ট আৰু মাৰ্নাছ লাবুশ্বানে সোনকালে ৰাওনা হয় আৰু দলটোৱে তিনিটা উইকেটত ৫১ ৰান কৰি সমস্যাত পেলায়।
ইয়াৰ পিছত জোছ ইংলিছ আৰু কেমেৰন গ্ৰীনে দায়িত্ব লয়। দুয়োজনে দলটোক সুস্থিৰ কৰিবলৈ অৰ্ধশতিকাৰ অংশীদাৰিত্ব সংযোজন কৰে। ইংলিছে আক্ৰমণাত্মকভাৱে বেটিং কৰি ৫১ ৰান সংগ্ৰহ কৰাৰ বিপৰীতে গ্ৰীনে সংযত ৫৩ ৰান সংগ্ৰহ কৰে।
মধ্য ক্ৰমত মেট ৰেনশ্ব আৰু অলিভাৰ পিকেও উল্লেখযোগ্য অৱদান আগবঢ়াইছিল। ফাইনেল অভাৰত পিকৰ চাৰি আৰু ছয় ৰান কৰি অষ্ট্ৰেলিয়াই ৫০ অভাৰত ২৩১/৯ ৰান সংগ্ৰহ কৰিবলৈ সক্ষম হয়।
ইফালে ২৩২ ৰানৰ লক্ষ্য খেদি খেদি পাকিস্তানে দুৰ্বল আৰম্ভণি কৰে। প্ৰথম অভাৰতে মাজ সাদাকাত বোল্ড হৈছিল। চাহিবজাদা ফাৰহান, বাবৰ আজম আৰু ছলমান আঘাও সোনকালে আউট হৈছিল।
নাথান এলিছ, মেথিউ শ্বৰ্ট আৰু এডাম জাম্পাৰ সঠিক বলিঙৰ সন্মুখত পাকিস্তানৰ শীৰ্ষ অৰ্ডাৰ ভাঙি পৰাৰ ফলত দলটোৱে ৭৮ ৰানত ছয় উইকেটত হেৰুৱাইছিল।
কিন্তু তাৰ পিছত ছাদাব খানে আৰাফাত মিনহাছৰ সৈতে এক গুৰুত্বপূৰ্ণ অংশীদাৰিত্ব গঢ়ি মেচখন জীয়াই ৰাখিবলৈ সংগ্ৰাম কৰে। ছাদাবে ১০৪টা বলত ৭১ ৰান সংগ্ৰহ কৰি দলটোক খেলখনত ৰাখিবলৈ চেষ্টা কৰে। শ্বাহীন আফ্ৰিদীয়েও কিছু দ্ৰুত ৰান সংগ্ৰহ কৰে যদিও এবাৰ শ্বাহীনক আউট হোৱাৰ লগে লগে পাকিস্তানৰ আশা ম্লান হৈ পৰে।
নাথান এলিছে চতুৰ্থটো উইকেট দখল কৰিবলৈ উভতি আহিছিল আৰু অৱশেষত তনবীৰ সংঘই ছাদাবক আউট কৰি পাকিস্তানৰ ইনিংছ শেষ কৰিছিল।
চমু স্ক'ৰ:
অষ্ট্ৰেলিয়া – ২৩১/৯ (৫০ অভাৰ) – কেমেৰন গ্ৰীণ ৫৩, জোছ ইংলিছ ৫১; শ্বাহীন আফ্ৰিদি ৩/৩৬, আৰাফাত মিনহাছ ২/২৭
পাকিস্তান – ১৯০ (৪৪.১ অভাৰ) – ছাদাব খান ৭১; নাথান এলিছ ৪/৩৩, মেথিউ শ্বৰ্ট ৩/৩৬
ফলাফল: অষ্ট্ৰেলিয়াই ৪১ ৰানত জয়লাভ কৰে।
-----------------
হিন্দুস্থান সমাচাৰ / অৰৱিন্দ
