–ভাৰতীয় দল পুল এ শীৰ্ষত আৰু ছেমি ফাইনেলত প্ৰৱেশ
নতুন দিল্লী, ০৩ জুন (হি.স.)। ভাৰতীয় মহিলা ১৮ বছৰ অনুৰ্ধৰ হকী দলে ২০২৬ চনৰ মহিলা ১৮ বছৰ অনুৰ্ধ এছিয়া কাপৰ অন্তিমখন পুল এ মেচত ছিংগাপুৰক ২৫-০ গ’লত পৰাস্ত কৰি শক্তিশালী প্ৰদৰ্শন আগবঢ়ায় । জাপানৰ কাকামিগহাৰাত এই একপক্ষীয় জয়ৰ জৰিয়তে ভাৰতে তিনিওখন মেচতে জয়লাভ কৰি গ্ৰুপ পৰ্যায় সমাপ্ত কৰি ছেমি ফাইনেলত স্থান দখল কৰে।
ভাৰতীয় দলৰ তাৰকা হিচাপে পৰিগণিত নৌশীন নাজে ৭টা গ’ল (৮’, ১৩’, ১৭’, ১৮’, ৪০’, ৫২’, ৫৮’)। খেলখনৰ শ্ৰেষ্ঠ খেলুৱৈৰ সন্মান লাভ কৰা গীতাশ্ৰী নম্মিয়ে ৫টা গ’ল (১৩’, ২৮’, ৪৭’, ৪৮’, ৬০’) কৰে। দলটোৰ জয়ত অধিনায়ক ছুইটি কুজুৰে মূল ভূমিকা পালন কৰি চাৰিটা গ’ল (২’, ২৪’, ৩৮’, ৪৫’) কৰে।
প্ৰিয়ংকা মিঞ্জে হেট্ৰিক (২২’, ৩৭’, ৫৩’), দিয়া (২৭’), নেন্সি সৰু (৩৬’), শ্ৰুতি কুমাৰী (৪০’), পুষ্পা মাঞ্জী (৪৭’), ৰশ্মিন কৌৰে (৪৭’), সন্দীপা কুমাৰীয়ে (৫১’) গ’ল দি এই জয় ঐতিহাসিক কৰি তুলিছে।
খেলখনৰ আৰম্ভণিৰে পৰা ভাৰতে আগ্ৰাসীভাৱে খেলিছিল। দ্বিতীয় মিনিটত অধিনায়ক ছুইটিয়ে প্ৰথমটো গ’ল দিয়ে। ইয়াৰ পিছত নৌশিন আৰু গীতাশ্ৰীয়ে অদম্য আক্ৰমণ চলাই ছিংগাপুৰৰ প্ৰতিৰক্ষা সম্পূৰ্ণৰূপে ভাঙি পেলায়।
দ্বিতীয় কোৱাৰ্টাৰতো ভাৰতীয় দলৰ আধিপত্য অব্যাহত আছিল, আৰু হাফটাইমলৈকে তেওঁলোকে উল্লেখযোগ্য অগ্ৰগতি স্থাপন কৰিছিল। তৃতীয় আৰু চতুৰ্থ কোৱাৰ্টাৰত ভাৰতীয় খেলুৱৈসকলে গ’লৰ হুলস্থুল কৰি খেলখন সম্পূৰ্ণ একপক্ষীয় কৰি তুলিছিল।
ইয়াৰ পূৰ্বে ভাৰতে মালয়েছিয়া, কোৰিয়া আৰু ছিংগাপুৰক পৰাস্ত কৰি ৯ পইণ্টেৰে পুল এৰ শীৰ্ষত স্থান দখল কৰিছিল। দলটোৰ ছেমি ফাইনেলৰ প্ৰতিদ্বন্দ্বী এতিয়া পুল বি খেলৰ পিছত সিদ্ধান্ত লোৱা হ’ব।
-----------------
হিন্দুস্থান সমাচাৰ / অৰৱিন্দ
