নতুন দিল্লী, ০৩ জুন (হি.স.)। অছলোত অনুষ্ঠিত হোৱা নৰৱে দবা ২০২৬ৰ অষ্টম ৰাউণ্ডত ভাৰতীয় গ্ৰেণ্ডমাষ্টাৰ আৰ প্ৰজ্ঞানানন্দাই পাঁচবাৰৰ বিশ্ব চেম্পিয়ন মেগনাছ কাৰ্লছনক পৰাস্ত কৰি উজ্জ্বল প্ৰদৰ্শন আগবঢ়াই খিতাপৰ দৌৰ আৰু অধিক ৰোমাঞ্চকৰ কৰি তুলিছে।
এই প্ৰতিযোগিতাত প্ৰজ্ঞানানন্দাই কাৰ্লচেনক দ্বিতীয়বাৰলৈ পৰাস্ত কৰে । ইয়াৰ পূৰ্বে তেওঁ কাৰ্লচেনক চতুৰ্থ ৰাউণ্ডত পৰাস্ত কৰিছিল।
এই জয়ৰ লগে লগে প্ৰজ্ঞানানন্দাই এতিয়া ১২ পইণ্ট লাভ কৰি পইণ্ট তালিকাৰ তৃতীয় স্থানলৈ আগবাঢ়িছে। প্ৰতিযোগিতাত মাত্ৰ দুটা ৰাউণ্ড বাকী থকা অৱস্থাত ভাৰতীয় খেলুৱৈগৰাকী শীৰ্ষ স্থানৰ পৰা মাত্ৰ দুটা পইণ্ট পিছ পৰি আছে।
১৪ পইণ্টেৰে শীৰ্ষত আছে আমেৰিকাৰ ৱেছলী ছ’, আনহাতে ১৩ পইণ্টেৰে দ্বিতীয় স্থানত আছে ফ্ৰান্সৰ আলিৰেজা ফিৰ’জ্জা।
ইফালে মুকলি শাখাত ভাৰতৰ দ্বিতীয় খেলুৱৈ ডি গুকেশ এই ৰাউণ্ডত আলিৰেজা ফিৰৌজজাৰ হাতত পৰাস্ত হয়। বৰ্তমান গুকেশে ৮ পইণ্টেৰে শেষ স্থানত বহি থকাৰ বিপৰীতে কাৰ্লচেনে তেওঁৰ পৰা মাত্ৰ এটা পইণ্ট আগবাঢ়ি আছে।
-----------------
হিন্দুস্থান সমাচাৰ / অৰৱিন্দ
