কাঠমাণ্ডু, ০৬ এপ্ৰিল (হি.স.)। নেপালত থকা ভাৰতৰ ৰাষ্ট্ৰদূত নবীন শ্ৰীবাস্তৱে সোমবাৰে বৈদেশিক মন্ত্ৰী শিশিৰ খানালক সৌজন্যমূলক সাক্ষাৎ কৰে। সিংহা দৰবাৰত বৈদেশিক পৰিক্ৰমা মন্ত্ৰালয়ত অনুষ্ঠিত হোৱা বৈঠকত ৰাষ্ট্ৰদূত শ্ৰীবাস্তৱে ভাৰতৰ বৈদেশিক পৰিক্ৰমা মন্ত্ৰী ড০ এছ জয়শংকৰৰ পৰা মন্ত্ৰী খানালক অভিনন্দন আৰু শুভেচ্ছা বাৰ্তা প্ৰেৰণ কৰে।

নতুন চৰকাৰ গঠনৰ পিছত ভাৰতৰ পৰা এইখন এক গুৰুত্বপূৰ্ণ উচ্চ পৰ্যায়ৰ বৈঠক বুলি গণ্য কৰা হয় । বৈঠকৰ সময়ত নেপাল আৰু ভাৰতৰ মাজত শতিকা পুৰণি সম্পৰ্ক সুদৃঢ় কৰাৰ লগতে দ্বিপাক্ষিক স্বাৰ্থৰ বিভিন্ন বিষয়ৰ ওপৰত গভীৰ আলোচনা কৰা হয় । বৈদেশিক পৰিক্ৰমা মন্ত্ৰালয়ে কয় যে চমু আলোচনাত বিশেষভাৱে সংযোগ, শক্তি বাণিজ্য, আৰু বাকী থকা উন্নয়ন প্ৰকল্পসমূহৰ ওপৰত গুৰুত্ব আৰোপ কৰা হৈছে । ৰাষ্ট্ৰদূত শ্ৰীবাস্তৱে নেপালৰ উন্নয়নমূলক প্ৰচেষ্টাক ভাৰতৰ অবিৰত সমৰ্থনৰ কথাও পুনৰবাৰ উল্লেখ কৰে ।

বৈদেশিক পৰিক্ৰমা মন্ত্ৰালয়ে ছ’চিয়েল মিডিয়া প্লেটফৰ্ম ‘এক্স’ত পোষ্ট কৰে যে ৰাষ্ট্ৰদূত শ্ৰীবাস্তৱে মন্ত্ৰী খানালক কাৰ্যভাৰ গ্ৰহণ কৰাৰ বাবে অভিনন্দন জনোৱাৰ লগতে নেপাল-ভাৰত সম্পৰ্ক আৰু পাৰস্পৰিক সহযোগিতাৰ বিভিন্ন দিশৰ ওপৰত আলোচনা কৰে ।

हिन्दुस्थान समाचार / মনোজ কুমাৰ শইকীয়া