নতুন দিল্লী, ২৯ এপ্ৰিল (हि.স.)। শ্ৰীলংকা ক্ৰিকেট (এছ এল চি)ৰ সভাপতি ছাম্মি ছিলভাই তাৎক্ষণিকভাৱে কাৰ্যকৰী হোৱাকৈ পদৰ পৰা পদত্যাগ কৰিছে। বুধবাৰে আনুষ্ঠানিক বিবৃতিযোগে এই কথা ঘোষণা কৰে ব’ৰ্ডে।
শ্ৰীলংকা ক্ৰিকেটে বিবৃতিটোত উল্লেখ কৰিছে যে এছ এল চিৰ সভাপতি ছাম্মি ছিলভাই আজি পদৰ পৰা পদত্যাগ কৰিছে। তেওঁৰ লগতে এছ এল চিৰ কাৰ্যনিৰ্বাহক সমিতিৰ বিষয়ববীয়া আৰু সদস্যসকলেও পদত্যাগ কৰিছে। এছ এল চিৰ তথ্য অনুসৰি এই সিদ্ধান্তৰ বিষয়ে সভাপতি অনুৰা কুমাৰ দিছানায়াকে আৰু যুৱ পৰিক্ৰমা আৰু ক্ৰীড়া মন্ত্ৰী সুনীল কুমাৰ গামাগেক আনুষ্ঠানিকভাৱে অৱগত কৰা হৈছে। কিন্তু ব’ৰ্ডে ততাতৈয়াকৈ পদত্যাগৰ আনুষ্ঠানিক কাৰণ প্ৰকাশ কৰা নাই।
ইএছপিএনক্ৰিকোইনফো (ESPNcricinfo) ৰ মতে, দুৰ্নীতিৰ অভিযোগত অভিযুক্ত থিলাংগা সুমাথিপালাৰ ঠাইত ২০১৯ চনৰ ফেব্ৰুৱাৰী মাহত ছিলভাই সভাপতিৰ পদ গ্ৰহণ কৰিছিল। প্ৰথমতে ছিলভাক সুমাথিপালাৰ ঘনিষ্ঠ সহযোগী বুলি গণ্য কৰা হৈছিল যদিও তেওঁ ক্ৰমান্বয়ে এই পদত নিজৰ দখল সুদৃঢ় কৰি একেৰাহে চাৰিটা কাৰ্যকাল কাৰ্যনিৰ্বাহ কৰি সেই নিৰ্বাচনসমূহৰ তিনিটাত বিনা প্ৰতিদ্বন্দ্বিতাৰে জয়ী হয়। তেওঁৰ সাত বছৰীয়া কাৰ্যকালত পুৰুষ আৰু মহিলা দলে এছিয়া কাপৰ খিতাপ জয় কৰিছিল যদিও ধাৰাবাহিক সফলতা লাভ কৰা নাছিল। পুৰুষ দলৰ ৰেংকিং যথেষ্ট অৱনমন হয়। তদুপৰি ২০২৩ চনৰ এদিনীয়া বিশ্বকাপ (নৱম স্থান দখল) আৰু ২০২৪ আৰু ২০২৬ চনৰ টি-২০ বিশ্বকাপ (শ্ৰীলংকা সহ-আয়োজক)ত হতাশাজনক প্ৰদৰ্শন দেখা গৈছিল।
हिन्दुस्थान समाचार / মনোজ কুমাৰ শইকীয়া
