নতুন দিল্লী, ২৪ মাৰ্চ (হি.স.)। ইণ্ডিয়ান প্ৰিমিয়াৰ লীগ ২০২৬ (আই পি এল ২০২৬)ৰ পূৰ্বে কলকাতা নাইট ৰাইডাৰ্ছ (কে কে আৰ) আৰু ছানৰাইজাৰ্ছ হায়দৰাবাদ (এছ আৰ এইচ)য়ে নিজ নিজ দল আৰু প্ৰতিস্থাপন খেলুৱৈৰ ক্ষেত্ৰত যথেষ্ট পৰিৱৰ্তনৰ কথা ঘোষণা কৰিছে। আঘাতপ্ৰাপ্ত আকাশদীপৰ ঠাইত কলকাতাত সৌৰভ ডুবেক অন্তৰ্ভুক্ত কৰাৰ বিপৰীতে হায়দৰাবাদে জেক এডৱাৰ্ডছৰ ঠাইত ডেভিদ পেইনক যোগ দিছে।

লাম্বাৰ ষ্ট্ৰেছৰ আঘাতৰ বাবে ভাৰতীয় বেগী বলাৰ আকাশদ্বীপ সমগ্ৰ প্ৰতিযোগিতাখনৰ পৰা বাহিৰ হৈছে। এতিয়া তেওঁ ভাৰতীয় ক্ৰিকেট নিয়ন্ত্ৰণ ব’ৰ্ডৰ চিকিৎসা দলৰ তত্বাৱধানত বেংগালুৰুস্থিত চেণ্টাৰ অৱ এক্সেলেন্সত চিকিৎসা গ্ৰহণ কৰিব। ভাৰতৰ হৈ ১০খন টেষ্ট মেচ খেলি আকাশদীপে ২৮টা উইকেট দখল কৰিছে।

তেওঁৰ ঠাইত কলকাতাই ২৮ বছৰীয়া বাওঁহাতৰ বেগী বলাৰ সৌৰভ ডুবেকৰ নাম উল্লেখ কৰিছে। সৌৰভ ডুবেক ₹৩০ লাখ টকাৰ বিনিময়ত দলত যোগ দিয়া হৈছে, যিটো তেওঁৰ কেৰিয়াৰৰ বাবে এক ডাঙৰ সুযোগ হিচাপে বিবেচিত হৈছে।

ইফালে ইংলেণ্ডৰ খেলুৱৈ জেক এডৱাৰ্ডছৰ আঘাতৰ বাবে হায়দৰাবাদে ডেভিদ পেইনক ১.৫ কোটি টকাত যোগ দিছে। ডেভিড পেইনে এতিয়ালৈকে এটা এদিনীয়া খেলিছে, আনহাতে টি-২০ ফৰ্মেটত ২৩৩খন মেচত ৩০৪টা উইকেট দখল কৰি নিজৰ যোগ্যতা প্ৰমাণ কৰিছে।

আই পি এল ২০২৬ৰ পূৰ্বে কৰা এই পৰিৱৰ্তনসমূহ দলসমূহৰ বাবে অত্যন্ত গুৰুত্বপূৰ্ণ বুলি বিবেচিত হৈছে, য'ত নতুন খেলুৱৈয়ে নিজকে প্ৰমাণ কৰাৰ সোণালী সুযোগ পাব।

हिन्दुस्थान समाचार / মনোজ কুমাৰ শইকীয়া