কলকাতা, ৩০ ছেপ্টেম্বৰ (হি.স.)। পশ্চিম বংগত আৰম্ভ হৈছে ৩২ সংখ্যক কলকাতা আন্তঃৰাষ্ট্ৰীয় চলচ্চিত্ৰ মহোৎসৱ। দেওবাৰে নন্দন-দ্বিতীয় প্ৰেক্ষাগৃহত আনুষ্ঠানিকভাৱে উন্মোচন কৰা হয় মহোৎসৱৰ নতুন ল’গ’। এই উপলক্ষে অভিনেতা মিথুন চক্ৰৱৰ্তী, উৎসৱৰ অধ্যক্ষ তথা অভিনেতা প্ৰসেনজিৎ চেটাৰ্জী, অভিনেতা জীত, বিধায়ক তথা অভিনেতা হিৰণ চেটাৰ্জী, ৰুদ্ৰনীল ঘোষ, পপিয়া অধিকাৰীকে ধৰি কেইবাগৰাকীও বিশিষ্ট ব্যক্তি উপস্থিত থাকে।
মহোৎসৱৰ অধ্যক্ষ প্ৰসেনজিৎ চেটাৰ্জীয়ে উল্লেখ কৰে যে এইবাৰৰ চলচ্চিত্ৰ মহোৎসৱ ১৬ ডিচেম্বৰৰ পৰা ২৩ ডিচেম্বৰলৈ আঠ দিনৰ বাবে চলিব।ঐতিহাসিক ভিক্টোৰিয়া স্মাৰকত অনুষ্ঠিত হ’ব মুকলি অনুষ্ঠান। অভিনেতা জীতে জনাইছে যে ৩২ সংখ্যক কলকাতা আন্তঃৰাষ্ট্ৰীয় চলচ্চিত্ৰ মহোৎসৱৰ থিম দেশ হ’ব আয়াৰলেণ্ড।
ইফালে অভিনেতা তথা বিধায়ক ৰুদ্ৰনীল ঘোষে উল্লেখ কৰে যে মহোৎসৱৰ প্ৰতিনিধি কাৰ্ডৰ বাবে আবেদন প্ৰক্ৰিয়া অহা ৫ নৱেম্বৰৰ পৰা আৰম্ভ হ’ব। ইচ্ছুক চিনেমাপ্ৰেমীসকলে অফিচিয়েল ৱেবছাইট KIFF.in ত গৈ পঞ্জীয়ন কৰিব পাৰিব। মহোৎসৱৰ সৈতে জড়িত অন্যান্য তথ্যও ৱেবছাইটত উপলব্ধ হ’ব।
-----------------
হিন্দুস্থান সমাচাৰ / অৰৱিন্দ
